មហាជននិយមចូលចិត្តតាមដានមាតិកាវីដេអូបែបកំប្លែងៗលើបណ្ដាញសង្គម សុទ្ធសឹងបានជ្រាបហើយពី ហ៊ាទី ដែលជាអ្នកផលិតមាតិកាវីដេអូដ៏មានប្រជាប្រិយភាពមួយរូប ឆក់បានការស្រឡាញ់ចូលចិត្តខ្លាំងពីមហាជន តាមរយៈទេពកោសល្យនៃការសម្ដែងផ្សេងៗរបស់លោក ជាពិសេសសម្ដែងធ្វើទឹកមុខបែបស្មើៗសមខ្លាំង ជាមួយតារាកំប្លែងល្បីៗផ្សេងទៀត។
ជាមួយនឹងទេពកោសល្យក្នុងការបង្កើតមាតិកាល្បីៗកន្លងមក ហ៊ាទី កាន់តែក្ដោបបានទីផ្សារខ្លាំងទាំងក្នុងសិល្បៈ ក៏ដូចជាការងារលើបណ្ដាញសង្គម ថតផ្សព្វផ្សាយផលិតផលក្នុងស្រុកបន្តបន្ទាប់ និង ចូលរួមសម្ដែងក្នុងកម្មវិធីទូរទស្សន៍ផ្សេងៗ។ ក្រៅពីមានប្រជាប្រិយភាពលើវិស័យសិល្បៈ ហ៊ាទី ក៏ត្រូវបានគេដឹងថា លោកក៏មានកាន់កាប់មុខរបររកស៊ីផ្ទាល់ខ្លួនយ៉ាងកាក់កបផងដែរ។
ដោយឡែក បើក្រឡេកមើលជីវិតឯកជនរបស់អ្នកផលិតមាតិកាល្បីឈ្មោះរូបនេះវិញ ក៏កំពុងរស់នៅក្នុងជីវិតមួយជោគជ័យមិនធម្មតាដែរ ដោយថ្មីៗនេះ ក៏បានឃើញលោកបង្ហាញជីវិតឯកជនយ៉ាងហាយសូរ ដែលទើបចាយលុយចេញញើសឈាមផ្ទាល់ខ្លួនទិញរថយន្តយ៉ាងថ្មីសន្លាងម៉ាក Lamborghini ជាប្រភេទរថយន្តទំនើបមានតម្លៃខ្ទង់សែនដុល្លារទៀតផង៕
