ខណៈប្រជាជនកម្ពុជានៅក្នុងប្រទេសកំពុងតែសស្រាក់សស្រាំ ក្នុងការស្វែងរកយុត្តិធម៌សម្រាប់មាតុភូមិ ដោយការឈ្លានពានរបស់សៀមហើយនោះ ក្រឡេកទៅមើលប្រជាជនកម្ពុជានៅតាមបណ្តាប្រទេសនានា បាន និង កំពុងតតាំងស្វែងរកការពិត និង សន្តិភាពជូនជាតិកម្ពុជាដូចគ្នាដែរ។
ក្នុងនោះ គេបានឃើញបងប្អូនប្រជាជនកម្ពុជា ដែលកំពុងរស់នៅតាមបណ្តាប្រទេសជាច្រើន ដូចជា ប្រទេសអូស្ដ្រាលី, ប្រទេសជប៉ុន, ប្រទេសកូរ៉េ, ប្រទេសនូវែលសេឡង់, សហរដ្ឋអាមេរិក, ចក្រភពអង់គ្លេស និង ប្រទេសផ្សេងៗទៀត។ លើសពីនោះ ក៏មានអន្តរជាតិតាមប្រទេសមួយចំនួន ក៏បានចូលរួមបង្ហាញការពិតទៅកាន់អន្តរជាតិ ថាសៀមគឺជាអ្នកឈ្លានពានកម្ពុជាផងដែរ។
ងាកទៅកាន់បងប្អូនប្រជាជនកម្ពុជា ដែលកំពុងរស់នៅឯចក្រភពអង់គ្លេសឯណោះវិញ ក៏បានសស្រាក់សស្រាំដូចគ្នាដែរ។ នេះបើតាមការបង្ហោះរបស់គណនីហ្វេសប៊ុកឈ្មោះ Raksmey Mean ដែលកំពុងរស់នៅទីនោះ។
តាមរយៈលោក Raksmey Mean បានបង្ហាញនូវទិដ្ឋភាពរបស់ប្រជាជនកម្ពុជា និង បរទេស ក្មេងចាស់ជាច្រើនបានប្រមូលផ្តុំគ្នានៅចំកណ្តាលទីក្រុងឡុងដ៍តែម្តង ដោយលើកស្លាក និង ទង់ជាតិកម្ពុជាគ្រប់ដៃ ប្រើសំឡេងដើម្បីបញ្ជាក់ថាកម្ពុជាមិនមែនជាអ្នករករឿងគេមុននោះទេ៕
ប្រភព និង រូបភាព៖ Raksmey Mean
