នៅព្រឹកថ្ងៃទី ១៧ ខែកុម្ភៈ ឆ្នាំ ២០២៥ នេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធដាក់ឱ្យប្រើប្រាស់ឡើងវិញវិទ្យាស្ថានស្រាវជ្រាវ និង អភិរក្សសាស្ត្រាស្លឹករឹតខ្មែរ និង មហាកុដិសម្តេចព្រះសង្ឃរាជ ជួន ណាត ស្ថិតនៅក្នុងបរិវេណវត្តឧណ្ណាលោម រាជធានីភ្នំពេញ។
ក្នុងឱកាសស្តេចយាងជាព្រះរាជាធិបតីដ៏ខ្ពង់ខ្ពស់បំផុត ក្នុងព្រះរាជពិធីសម្ពោធក្នុងថ្ងៃនេះ តាមរយៈផេក វប្បធម៌ខ្មែរ Khmer Culture បានបញ្ជាក់ឱ្យដឹងថា នៅក្នុងរូបភាពដែលមាន ព្រះក្លស់កំពូលព្រហ្ម ថ្វាយព្រះកិត្តិយសថ្វាយព្រះមហាក្សត្រ គឺជាព្រះក្លស់កំពូលព្រហ្ម មានវត្តមានជាថ្មីក្រោយខកខានបាត់ខ្លួនក្នុងសម័យសង្គ្រាមជាង ៥០ ឆ្នាំទៅហើយ។
តាមប្រភពបានឱ្យដឹងទៀតថា ៖ «សូមឱ្យព្រះក្លស់កំពូលព្រហ្មនេះ រក្សាបាននូវវត្តមានរបស់ខ្លួន និង តែសម្រាប់ថ្វាយព្រះកិត្តិយសថ្វាយព្រះមហាក្សត្រតែ ១ អង្គគត់»៕
