កម្របានឃើញណាស់! ប្រទាលចម្លែកម្យ៉ាង ត្រូវបានប្រទះឃើញក្នុងព្រៃនៅឧត្តរមានជ័យ កំពុងរីកបង្អួតសម្រស់រហង់ស្អាតទាក់ភ្នែកណាស់

នាពេលថ្មីៗនេះ តាមរយៈ ព្រៃសង្ឃសហគមន៍រុក្ខាវ័ន បានបញ្ជាក់ពីការប្រទះឃើញសម្រស់ផ្កាដ៏ស្រស់ស្អាត ដុះត្រៀបត្រាបញ្ចេញសម្រស់ នៅក្នុងព្រៃសង្ឃសហគមន៍រុក្ខាវ័ន ជាផ្កាចម្លែកដ៏ស្រស់ស្អាត និង ពុំធ្លាប់បានឃើញពីមុននោះឡើយ ទើបឆ្នាំ ២០២៥ នេះទេ ទើបក្រុមការងារព្រៃសង្ឃសហគមន៍រុក្ខាវ័នបានប្រទះឃើញ។

ចំពោះវត្តមានផ្ការស្រស់ស្អាតរីកត្រៀបត្រា ដែលត្រូវបានប្រទះឃើញដោយ ព្រៃសង្ឃសហគមន៍រុក្ខាវ័ន នេះដែរ តាមរយៈផេក ជីវៈចម្រុះនៃប្រទេសកម្ពុជា បានបញ្ជាក់ពីឈ្មោះ និង លក្ខណៈនៃផ្កានេះឱ្យបានដឹងថា ជាផ្កាដែលមានឈ្មោះហៅថា «ប្រទាលពពកវិល» និង មានឈ្មោះវិទ្យាសាស្ត្រថា «Proiphys amboinensis (L.) Herb»។

តាមប្រភពបានឱ្យដឹងទៀតថា ប្រទាលពពកវិល នៅក្នុងជំនឿខ្មែរគេជឿថាការដាំប្រទាលនេះនៅតាមគេហដ្ឋាន ឬក្នុងហាងរកស៊ី នឹងជួយទាក់ទាញភ្ញៀវឱ្យចូលក្នុងហាងច្រើន។ ប្រទាលនេះ ច្រើនមានដុះនៅច្រើនប្រទេសណាស់ក្នុងតំបន់អាស៊ីអាគ្នេយ៍យើងនេះ ប៉ុន្តែវាមិនទាន់ត្រូវបានអ្នកស្រាវជ្រាវផ្នែករុក្ខវិទូធ្វើកំណត់ត្រាថាមានដុះនៅក្នុងប្រទេសយើងនៅឡើយទេ៕

ប្រភព និង រូបភាព ៖ ជីវៈចម្រុះនៃប្រទេសកម្ពុជា និង ព្រៃសង្ឃសហគមន៍រុក្ខាវ័ន