កម្មករសំណង់ម្នាក់នៅថៃ ឃើញអគាររលំ ប្រឹងរត់ទៅចូលទៅជួយសង្សារ និង មិត្តភក្តិ​ឱ្យចេញមកក្រៅមានសុវត្ថិភាព ចំណែកខ្លួនឯងជាប់នៅក្នុងអគារមិនទាន់ដឹងរស់ ឬស្លា./ ប់

កាលពីថ្ងៃទី ២៨ ខែមីនា ឆ្នាំ ២០២៥ កន្លងទៅ ករណីគ្រោះរញ្ជួយដីដ៏គួរឱ្យរន្ធត់នៅប្រទេសថៃ បានធ្វើឱ្យអគារ ៣០ ជាន់មួយកន្លែងដែលមិនទាន់សាងសង់ហើយនាទីក្រុងបាងកក រលំស្រុតទាំងស្រុង ដែលបង្កឱ្យមនុស្សស្លាប់ និង របួសជាច្រើននាក់។

តាមព័ត៌មានបានឱ្យដឹងថា ក្នុងនោះអ្នកស្លាប់ និង របួសភាគច្រើនសុទ្ធតែជាកម្មករសំណង់ ព្រោះតែអគារខាងលើនេះ គឺជាអគារដែលកំពុងតែសាងសង់មិនទាន់រួចរាល់។ យ៉ាងណាមិញ ទាក់ទងនឹងអគារនេះ មានករណីដ៏គួរឱ្យរំជួលចិត្តមួយ ដែលមានបុរសម្នាក់វ័យ ២៣ ឆ្នាំជាកម្មករសំណង់នៅទីនោះ បានរត់ចូលទៅជួយសង្សារខណៈអគាររលំ ខណៈនាំសង្សារចេញបានហើយ ស្រាប់តែងាកឃើញមិត្តរួមការងារស្រីម្នាក់ជាប់នៅក្នុងនោះដែរ ហើយក៏រត់ចូលទៅជួយម្តងទៀត ចុងក្រោយមិត្តចេញមកបានសុវត្ថិភាព ចំណែកខ្លួន​ឯងជាប់នៅក្នុងនោះ មិនដឹងថារស់ ឬស្លាប់ឡើយ។

យ៉ាងណាមិញ ស្រ្តីជាសង្សារកំពុងតែក្តុកក្តួលយ៉ាងខ្លាំង ហើយក៏នៅរង់ចាំសង្សារនៅមុខសំណង់បាក់បែកទាំងទឹកភ្នែកហូរមិនបាត់។ ខណៈមានអាជ្ញាធរមកជួយសង្រ្គោះមនុស្សដែលនៅមានជីវិតចេញជារឿយៗ ប៉ុន្តែនាងនៅទាន់ឃើញស្រមោលសង្សារចេញមកនឹងគេសោះ នាងបានត្រឹមតែបែរបន់ព្រះសុំជីវិតសង្សារសំណព្វឱ្យបានរួចគ្រោះលើកនេះប៉ុណ្ណោះ៕

ប្រភព៖ EJan