កាលពីថ្ងៃទី ២១ ខែសីហា ឆ្នាំ ២០២៥ កន្លងទៅនេះ ក្រុមហ៊ុនរ៉ែមួយកន្លែងនៅភូមិលេខ ៦ ឃុំឆាងភឿក ស្រុកចាក់ណេស ខេត្តណារ៉ាធិវ៉ាត ដែលជាខេត្តស្ថិតនៅជាប់ព្រំដែនថៃ-ម៉ាឡេស៊ី មានករណីឡានដឹកទំនិញជិត ១០ គ្រឿង ត្រូវបានគេលួចដុតចោលខ្ទេច។
យ៉ាងណាមិញ លុះមកដល់ថ្ងៃទី ២៦ ខែសីហា ឆ្នាំ ២០២៥ កន្លងទៅនេះ មានកម្មករ ២ នាក់ បានចូលទៅរៀបចំសម្អាតកន្លែងដុតឡានខាងលើ ហើយក៏បានដើរចូលទៅយកឧបករណ៍នៅក្នុងផ្ទះរបស់កម្មករគ្នាឯង តែចៃដន្យក៏បានដើរទៅជាន់គ្រាប់បែកកែច្នៃដែលជនបង្កលួចបង្កប់តាំងពីថ្ងៃលួចដុតឡាន បណ្តាលឱ្យរបួសទាំង ២ នាក់។
ក្នុងនោះ មានកម្មករ ១ នាក់របួសដាច់ជើង ចំណែកឯម្នាក់ទៀតត្រូវអំបែងខ្ទាតពេញខ្លួន។ យ៉ាងណាក៏ដោយ តាំងពីថ្ងៃមានការលួចដុតឡានហូតមកដល់ពេលនេះ ខាងអាជ្ញាធរនៅមិនទាន់រកមុខជនបង្កឃើញនៅឡើយទេ៕
ប្រភព៖ Khaosod
