កម្ពុជាកាន់តែទទូចឱ្យដោះលែងទាហាន ១៨ នាក់មកវិញ ថៃ បែរឆ្លើយតបយ៉ាងភ្លាវ ថែមទាំងយកច្បាប់អន្តរជាតិមកអាងទៀត

កាលពីថ្ងៃទី១០ ខែសីហា កងយោធពលភូមិន្ទថៃ ឧត្តមសេនីយ៍ទោ Winthai Suvari អ្នកនាំពាក្យក្រសួងការពារជាតិរបស់ថៃ បានឆ្លើយតបមកកាន់កម្ពុជាទាក់ទងនឹងការទទូចឱ្យដោះលែងទាហានទាំង ១៨ នាក់ ដែលថៃបានចាប់ខ្លួនយកទៅក្រោយពីបទឈប់បាញ់ត្រូវបានអនុវត្ត។​

ក្នុងនោះ Winthai Suvari បានបោះសម្តីថា កម្ពុជាបានទទូចជាច្រើនដង ឱ្យខាងភាគីថៃដោះលែងទាហានទាំង ១៨ នាក់ទៅកម្ពុជាវិញ តែមើលទៅកម្ពុជាប្រហែលជាមិនយល់ពីច្បាប់អន្តរជាតិនៅឡើយ ដូច្នេះសូមបញ្ជាក់ប្រាប់កម្ពុជាថា ការឃាត់ខ្លួនទាហានទាំងនេះ គឺថៃធ្វើស្របច្បាប់ និងស្របតាមគោលការណ៍មនុស្សធម៌អន្តរជាតិ ជាពិសេសអនុសញ្ញាទីក្រុងហ្សឺណែវ មិនមែនជាការឃុំខ្លួនខុសច្បាប់ ដូចការអះអាងរបស់ក្រសួងការពារជាតិកម្ពុជានោះទេ។

Winthai Suvari  បន្តថា ប្រទេសសម្ព័ន្ធមិត្ត និងអង្គការអន្តរជាតិនានា គេយល់គ្រប់យ៉ាងហើយមិនបានខ្វល់ខ្វាយអ្វីនោះទេ ហើយខាងកាកបាទក្រហម (ICRC) ក៏ទើបតែមកមើលទាហានទាំង ១៨ នាក់នោះដែរ។ ការឃុំខ្លួនត្រូវតែរក្សារហូតដល់បទឈប់បាញ់ ឬស្ថានការណ៍ប៉ះទង្គិចត្រូវបញ្ចប់ដោយជាក់លាក់ ដើម្បីធានាថាទាហានទាំង ១៨ នាក់ នឹងមិនត្រឡប់មកប្រយុទ្ធជាមួយថៃទៀត៕

ប្រភព៖ DailyNews