អ្នកមានបញ្ហាធ្មេញ នៅពេទ្យគៀនឃ្លាំង មានផ្ដល់សេវាព្យាបាលធ្មេញ ៤ មុខឥតគិតថ្លៃចំពោះក្មេងអាយុក្រោម ១៦ ឆ្នាំ និង អ្នកខ្វះខាត

នាពេលថ្មីៗនេះ មជ្ឈមណ្ឌលវះកាត់កុមារ ហៅថាពេទ្យគៀនឃ្លាំង បានចេញសេចក្តីជូនដំណឹងឱ្យបានដឹងថា ខាងមន្ទីរពេទ្យបានបន្ថែមកម្មវិធី ពិនិត្យសុខភាព មាត់-ធ្មេញ រៀងរាល់ថ្ងៃអង្គារ និង ថ្ងៃពុធ ចាប់ពីម៉ោង ៨ ព្រឹក ដល់ម៉ោង ៥ ល្ងាច ចាប់ពីថ្ងៃផ្សាយដំណឹងតទៅ។

ចំពោះសេវាព្យាបាលធ្មេញគ្រប់វ័យ មានដូចខាងក្រោម៖

១. ការសម្អាតធ្មេញ និង ប៉ូលាធ្មេញ

២. ការប៉ះធ្មេញ

៣. ការដកធ្មេញ

៤. ព្យាបាលទារក ឬ កុមារដែលមានបញ្ហាឆែបមាត់

ចំពោះការព្យាបាលនេះដែរ គឺផ្ដល់ជូនចំពោះអ្នកជំងឺក្រីក្រ និង ក្មេងក្រោម ១៦ ឆ្នាំដោយមិនគិតថ្លៃ។ ចំពោះអ្នកមានលទ្ធភាព សូមចូលរួមបរិច្ចាគថវិកា ដើម្បីទ្រទ្រង់មន្ទីរពេទ្យសម្រាប់ដំណើរកម្មវិធី ខណៈនៅទីនោះគ្មានតម្លៃវះកាត់ទេ ព្រោះគឺជាមន្ទីរពេទ្យមនុស្សធម៌ ក្នុងការជួយអ្នកជំងឺពិការ។ សម្រាប់ព័ត៌មានបន្ថែម អាចទំនាក់ទំនងទៅកាន់លេខទូរស័ព្ទ 023430202 ឬទៅកាន់ទីតាំងក្នុងមជ្ឈមណ្ឌលជាតិស្តារលទ្ធភាពពលកម្មគៀនឃ្លំាង ស្ថិតនៅផ្លូវ៦អា ភូមិគៀនឃ្លំាង ខណ្ឌជ្រោយចង្វារ រាជធានីភ្នំពេញ៕