បើគិតមកដល់ពេលនេះរយៈពេលជាង ៥ ឆ្នាំ មកហើយ ដែលម្ចាស់ជ័យលាភីកម្មវិធី X-Factor Cambodia លោក ចាន់ សុបញ្ញា បានបោះជំហានឈានជើងចូលប្រឡូកក្នុងវិស័យចម្រៀងក្រោយទទួលបានជ័យជម្នះកាលពីអំឡុងឆ្នាំ ២០១៩។
ក្នុងនោះ មហាជនអ្នកគាំទ្រតារាចម្រៀងប្រចាំផលិតកម្មរស្មីហង្សមាសរូបនេះ ច្បាស់ជាបានជ្រាបហើយថា លោក ចាន់ សុបញ្ញា ជាតារាចម្រៀងរមែងផលិតបទបែបស្រគត់ស្រគំ មនោសញ្ចេតនា ជាដើម។ ដោយឡែក មួយរយៈចុងក្រោយនេះ លោក ចាន់ សុបញ្ញា ក៏បានផ្លាស់ប្តូរស្ទីលរបស់ខ្លួន ដោយបានបន្ថែមនូវរសជាតិថ្មី ដោយលោកបានបកស្រាយបទចម្រៀងបែបរ៉េប និង R&B ផងដែរ។
យ៉ាងណាមិញ ថ្មីៗនេះ លោក ចាន់ សុបញ្ញា បានបង្ហោះរូបភាពជាមួយនឹងតារាចម្រៀងរ៉េប NPN ម្ចាស់បទ «Channavinlyna» បានធ្វើឱ្យអ្នកគាំទ្រលើកឡើងថា ដូចជាការឱ្យដំរួយម្យ៉ាង ពោលគឺ តារាចម្រៀងប្រុសទាំង ២ អាចនឹងចាប់ដៃគ្នាផលិតចម្រៀងរួមគ្នាក៏ថាបាន៕
