ជាការពិតណាស់ បើទោះជាវ័យចូលដល់ខ្ទង់ ៣០ ឆ្នាំក្រាស់ក្តី តែតារាចម្រៀងស្រី សុខ ពិសី នៅតែត្រូវបានមហាជនសរសើរពីសម្រស់របស់នាង ដែលមិនចាស់ទៅតាមវ័យនោះឡើយ ពោលគឺសម្រស់របស់តារាចម្រៀងផលិតកម្មសាន់ដេរូបនេះ នៅតែមើលទៅក្មេងល្ហក់។
ជាក់ស្តែងនៅចុងឆ្នាំ ២០២៥ នេះ កញ្ញា សុខ ពិសី ឈានចូលវ័យ ៣៥ ឆ្នាំ ហើយ តែនាងនៅតែនៅក្មេងដូចដើម ដែលជាហេតុធ្វើឱ្យអ្នកគាំទ្រដាក់ងារឱ្យនាងថា រាជិនីសម្រស់ថែមទៀតផង។
យ៉ាងណាមិញ ស្រាប់តែថ្មីៗនេះ រាជិនីសម្រស់ សុខ ពិសី បានបង្ហោះសារផ្តាំអ្នកគាំទ្រថា បើថ្ងៃណាមួយ ឃើញនាងចាស់ សូមកុំភ្ញាក់ផ្អើល ក៏ព្រោះតែនាងក៏ជាមនុស្សដូចគ្នាដែរ។ សារនោះ កញ្ញា សុខ ពិសី បានសរសេរថា៖ «ខ្ញុំជាមនុស្សមិនមែនទេវតា ខ្ញុំចេះចាស់ ចេះឈឺ ក៏ចេះស្លាប់ដូចអ្នកគ្រប់គ្នា ដូច្នេះបើថ្ងៃមុខឃើញខ្ញុំចាស់ សូមកុំភ្ញាក់ផ្អើលពេក! សុំអង្វរ»៕
