កាលពីថ្ងៃទី ៤ ខែកក្កដា ឆ្នាំ ២០២៥ កន្លងទៅនេះ មានព័ត៌មានបានឱ្យដឹងថា ដែលជាមេទ័ពភូមិភាគ ២ របស់ថៃ ត្រូវបានសាងសង់រូបសំណាកឡើងពីក្រមួនទៀនវស្សា ហើយនឹងត្រៀមយកទៅហែបង្ហាញក្នុងពិធីដង្ហែទៀនវស្សានៅថ្ងៃខាងមុខនេះ។
តាមព័ត៌មានបានឱ្យដឹងថា រូបសំណាករបស់ Boonsin Padklang ត្រូវបានធ្វើឡើងដោយលោក Wutthachai Nadi ជាមន្រ្តីអប់រំពិសេសនៃការិយាល័យសិក្សា ខេត្តនគររាជសីមា ហើយលោកនឹងត្រៀមយកទៅដាក់តាំងបង្ហាញនៅក្នុងពិធីដង្ហែទៀនព្រះវស្សានៅស្រុកភីម៉ៃ ខេត្តនគររាជសីមា នៅថ្ងៃទី ៩ ដល់ ១០ ខែកក្កដា ឆ្នាំ ២០២៥ នេះ ដើម្បីឱ្យមហាជនបានទស្សនា។
យ៉ាងណាមិញ លោកអភិបាលស្រុកភីម៉ៃ រួមទាំងមន្រ្តីក្រោមការគ្រប់គ្រងក៏បាននាំគ្នាចុះទៅមើលរូបសំណាកនេះដល់កន្លែងសិតមកផងដែរ ព្រមទាំងបានលើកទឹកចិត្តដល់លោក Wutthachai Nadi ដែលបានធ្វើរូបសំណាកនេះឡើង ហើយក៏បានអំពាវនាវឱ្យប្រជាជនថៃទាំងអស់ចូលរួមកម្មវិធីដង្ហែទៀនព្រះវស្សាឱ្យបានគ្រប់ៗគ្នាផងដែរ៕
ប្រភព៖ AMARINTV
