ហេតុការណ៍គ្រោះថ្នាក់ចរាចរណ៍ដ៏គួរឱ្យរន្ធត់មួយ បានកើតឡើងនៅប្រេស៊ីល កាលពីថ្ងៃទី ១៨ ខែតុលា ឆ្នាំ ២០២៥ កន្លងទៅ ដោយឡានក្រុងជ្រុលទៅបុកពំនូកខ្សាច់ បណ្តាលឱ្យក្រឡាប់ស្លាប់មនុស្សអស់ ១៧ នាក់។
តាមព័ត៌មានបានឱ្យដឹងថា ឡានក្រុងខាងលើនេះ បានដឹកអ្នកដំណើរប្រមាណជា ៣០ នាក់ ធ្វើដំណើរចេញពីរដ្ឋ Bahia លុះមកដល់ផ្លូវមួយខ្សែនារដ្ឋ Peranbuco តៃកុងឡានក៏បានជ្រុលដៃរេចង្កូតទៅបុកពំនូកខ្សាច់នៅតាមចិញ្ចើមផ្លូវ បណ្តាលឱ្យក្រឡាប់នៅនឹងកន្លែង បង្កឱ្យអ្នកដំណើរបាត់បង់ជីវិតអស់ ១៧ នាក់ និងរបួសជាច្រើននាក់ទៀត។
យ៉ាងណាមិញ តៃកុងឡានត្រូវបានប៉ូលិសឃាត់ខ្លួនពិនិត្យជាតិអាកុល តែលទ្ធផលចេញមកអវិជ្ជមាន ហើយមកទល់ពេលនេះប៉ូលិសក៏កំពុងតែស៊ើបអង្កេតបន្តទៀត ដើម្បីរកមូលហេតុពិតនៃគ្រោះថ្នាក់ចរាចរណ៍នេះ៕
