រយៈពេលជាង ១៣ ឆ្នាំហើយ ដែលអតីតតារាសម្ដែងល្បីឈ្មោះលោក ស៊ុក សុភា បានរៀបការសាងគ្រួសាររស់នៅលើទឹកដីប្រទេសអូស្ដ្រាលី ដែលមកដល់ពេលនេះ លោក និង ភរិយាទទួលបានចំណងដៃកូនប្រុសស្រីដ៏គួរឱ្យស្រឡាញ់ចំនួន ៦ នាក់ហើយ។
ទាក់ទងនឹងជីវិតគ្រួសាររបស់អតីតតារាសម្ដែងប្រុសរូបនេះ មហាជនតែងតែឃើញលោកបង្ហាញសកម្មភាពនៃការរស់នៅក្រៅប្រទេសលើបណ្ដាញសង្គមជាហូរហែ ដែលស្ដែងពីជីវិតគ្រួសារដ៏មានសុភមង្គលជាមួយភរិយា ជាពិសេសបង្ហាញពីកូនប្រុសស្រីទាំង ៦ រូប កាន់តែធំពេញកំលោះក្រមុំ មានរូបរាងស្អាតៗ ឆ្លាតៗគួរឱ្យស្រឡាញ់ណាស់។
បើក្រឡេកមើលកូនស្រីទី ៣ មានវ័យ ១២ ឆ្នាំរបស់លោក ស៊ុក សុភា ដែលមានឈ្មោះថា Zuzanna Souk ថ្មីៗកន្លងទៅ ខណៈលោកបង្ហាញរូបភាពប៉ុន្មានសន្លឹកជាមួយកូនស្រីបណ្ដូលចិត្ត ក៏ត្រូវបានមហាជនអ្នកគាំទ្រលើបណ្ដាញសង្គមចាប់អារម្មណ៍ និង សរសើរខ្លាំងលើរូបសម្រស់របស់នាង ដែលធំពេញរូបរាងទន្ទឹមនឹងលោកប៉ាទៅហើយ រីឯមុខមាត់រូបរាងក៏កាន់តែស្រស់ស្អាតកាត់ទៅរកលោកប៉ាអ្នកម៉ាក់ដែរ៕
