បើគិតចាប់តាំងពីការប្រកួតកម្មវិធី The Voice Cambodia រដូវកាលទី ៣ មកដល់ពេលនេះ រយៈពេលប្រមាណជា ២ ឆ្នាំ មកហើយ ដែលបេក្ខភាពលេចធ្លោ កញ្ញា សុខុម រចនា បានក្លាយជាតារាចម្រៀងអាជីព។ លើសពីនោះ ក្រោយសាងកេរ្តិ៍ឈ្មោះមួយរយៈ កញ្ញា សុខុម រចនា ក៏បានក្លាយទៅជាតារាចម្រៀងផ្លូវការជ្រកក្រោមទ្រនំផលិតកម្ម ហ្គាឡាក់ស៊ី ណាវ៉ាត់ត្រា ផងដែរ។
បន្ថែមពីប្រជាប្រិយភាពជាតារាចម្រៀង ស្រីស្អាត សុខុម រចនា ក៏កំពុងទទួលបានទីផ្សារការងារ និង ក្លាយជា BA ព្រមទាំងអ្នកផ្សព្វផ្សាយផលិតផលឱ្យបណ្តាក្រុមហ៊ុនជាច្រើនផងដែរ។
យ៉ាងណាមិញ ក្រឡេកមកមើលជីវិតឯកជនឯណោះវិញ ថ្មីៗនេះ អ្នកលេងបណ្តាញសង្គមនានា បាន និង កំពុងចាប់អារម្មណ៍ពីស្រីស្អាត សុខម រចនា ដែលតែងតែបង្ហាញសកម្មភាពស្និទ្ធស្នាលនឹងនារីម្នាក់ ហាក់លើសពីមិត្តភាពធម្មតា ដោយមានមហាជនជាច្រើនមើលឃើញថា អ្នកទាំង ២ ជិតដិតដូចគូស្នេហ៍ទៅវិញ។ ទោះជាបែបនេះក្ដី ក្រឡេកទៅមើលអ្នកគាំទ្រវិញ ក៏ពេញចិត្តនឹងគូរបស់កញ្ញា សុខុម រចនា និង ស្រីស្អាតជាដៃគូដែរ ដោយមានអ្នកចូលទៅបញ្ចេញមតិពេញចិត្តជាបន្តបន្ទាប់៕
សូមចុចទីនេះ ដើម្បីទស្សនាវីដេអូ៖
