ជាការពិតណាស់ កន្លងមហាជននិយមតាមដានវីដេអូខ្លីៗ ដែលដឹកនាំដោយ នាយព្រែក ច្បាស់ជាធ្លាប់បានឃើញមកហើយ ពីការចូលរួមសម្តែងដោយ អូនក្តិប ដែលគេស្គាល់តាមរយៈបណ្តាញសង្គម Tik Tok នូវពាក្យមួយឃ្លាថា «អ៊ួយឡើងឆ្ងាញ់»។
កាលនោះ គេចាំបានថា ក្រោយទទួលបានការចាប់អារម្មណ៍ហើយនោះ អូនក្តិប ក៏ត្រូវបាន នាយព្រែក និង តារាប្រុសស្រីជាច្រើនទៀត បានទាក់ទងទៅចូលរួមសម្តែង និង ជួយជ្រោមជ្រែងដើម្បីទំនុកបម្រុងក្រុមគ្រួសារ ដែលកំពុងខ្វះខាត។ យ៉ាងណាមិញ រយៈពេលប្រមាណជា ១ ឆ្នាំ ចុងក្រោយនេះ អូនក្តិប ក៏មិនបានបង្ហាញវត្តមានក្នុងការសម្តែងជាមួយ នាយព្រែក ដូចមុនទៀតឡើយ ដែលធ្វើឱ្យមហាជនជាច្រើនបាននាំគ្នាបញ្ចេញយោបល់សួរនាំហូរហែ។
ជាក់ស្តែង ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រ អូនក្តិប និង នាយព្រែក កំពុងចាប់អារម្មណ៍បន្ទាប់ពី នាយព្រែក បានបង្ហោះវីដេអូមួយបញ្ជាក់ពីមូលហេតុ នៃការបាត់មុខរបស់ អូនក្តិប ពីការសម្តែងជាមួយក្រុមលោក ព្រោះបញ្ហាខ្លះៗ តែយ៉ាងណា នាយព្រែក មិនចង់បកស្រាយពីបញ្ហាទាំងនោះឱ្យស៊ីជម្រៅឡើយ ព្រោះថា អូនក្ដិប នៅក្មេង បើយកទោសអូសដំណើរពេកក៏មិនកើតដែរ។
ម្យ៉ាងវិញទៀត អ្វីដែលកាន់តែភ្ញាក់ផ្អើល គឺឪពុកម្តាយរបស់ អូនក្តិប បានឱ្យដឹងថា ក្រោយកូនឈប់សម្តែងជាមួយ នាយព្រែក ក៏លែងមានអ្នកហៅថត ធ្វើឱ្យបាត់បង់ចំណូល ហើយចៃដន្យឪពុក អូនក្តិប ក៏ធ្លាក់ខ្លួនឈឺធ្ងន់ធ្ងរ ទើបពួកគេប្រមូលសម្ភារនានាលក់អស់សល់តែសំបកខ្លួនប៉ុណ្ណោះ ដើម្បីព្យាបាលជំងឺ៕
សូមចុចទីនេះ ដើម្បីទស្សនាវីដេអូ៖
