ដូចមហាជនបានជ្រាបហើយថា តារាចម្រៀងសំឡេងស្រទន់ ថេណា ត្រូវបានអ្នកគាំទ្រ ជាពិសេស យុវវ័យពេញចិត្តស្រឡាញ់ខ្លាំងទៅលើទេពកោសល្យសិល្បៈរបស់លោក។ លើសពីនោះ បើនិយាយពីរូបសម្បត្តិ និង អាកប្បកិរិយាវិញ បើទោះជាមិនសូវមាត់កក្តី តែលោក ថេណា ត្រូវបានចាត់ទុកជាតារាចម្រៀងប្រុសមានមន្តស្នេហ៍មួយរូប។
យ៉ាងណាមិញ ងាកមកកាន់ជីវិតឯកជនឯណោះវិញ កំលោះមកពីខេត្តកោះកុងរូបនេះ អាចនឹងមិនសូវបង្ហាញជាសាធារណៈនោះទេ ប៉ុន្តែក៏មានអ្នកគាំទ្រមួយចំនួនបានដឹងខ្លះៗហើយថា ក្នុងចំណោមបងប្អូនបង្កើត គឺមានតែលោក ថេណា ម្នាក់ប៉ុណ្ណោះ ដែលប្រឡូកក្នុងវិថីសិល្បៈ ប៉ុន្តែអ្វីដែលចាប់អារម្មណ៍វិញនោះ គឺលោកមានក្មួយស្រី ដែលមានដុងផ្នែកចម្រៀង និង ធ្លាប់បានច្រៀងចម្រៀងរួមគ្នានឹងលោកទៀតផង។
បើនិយាយដល់បទ «គ្មានផ្កាយ» ជាការបកស្រាយដោយលោក ថេណា មកបង្ហាញវិញ អ្នកគាំទ្រច្បាស់ជាបានឮសំឡេងរបស់តារាចម្រៀងស្រីម្នាក់ ដែលពីរោះស្រទន់ក្នុងចម្រៀងនេះជាក់ជាមិនខាន ហើយនារីរូបនោះ គឺជាក្មួយស្រីរបស់លោក ថេណា នោះឯង គឺកញ្ញា Narik។
គួរជម្រាបថា ក្មួយស្រីរបស់លោក ថេណា គឺកញ្ញា Narik មានទឹកដមសំឡេងពីរោះមិនចាញ់ ថេណា ដែលជាលោកពូនោះឡើយ ដោយជារឿយៗ នាងធ្លាប់បានបកស្រាយចម្រៀងនឹងលោក ថេណា ព្រមទាំង Cover ចម្រៀងពីរោះៗជាច្រើនដូចជាបទ «Hard To Say» ជាដើម៕
សូមចុចទីនេះ ដើម្បីទស្សនាវីដេអូ៖
