មហាជនអ្នកគាំទ្រតាមដានរបស់តារាចម្រៀងស្រី ទេព បូព្រឹក្ស សុទ្ធសឹងតែបានជ្រាបហើយថាប៉ុន្មានកន្លងទៅនេះ អ្នកនាងបានសាងស្នាដៃដ៏មានមោទកភាពសម្រាប់សិល្បៈកម្ពុជា ដែលបានទៅសម្ដែងទស្សនីយភាពចម្រៀងដ៏អស្ចារ្យរួមជាមួយសិល្បៈបុរាណ និង សម័យច្រើនទម្រង់ក្នុងកម្មវិធីអន្តរជាតិ Round Festival 2025 នៅប្រទេសម៉ាឡេស៊ី។
ក្រោយបញ្ចប់ការសម្ដែងលើឆាកអន្តរជាតិយ៉ាងរលូន អ្នកនាង ទេព បូព្រឹក្ស ត្រូវបានមហាជនអ្នកគាំទ្រកម្ពុជា ក៏ដូចជាអ្នកសិល្បៈរួមអាជីពជាច្រើន បង្ហាញការអបអរ និង រំភើបចិត្តជំនួស ចំពោះភាពជោគជ័យមួយកម្រិតទៀតលើវិថីសិល្បៈរបស់នាង ក្នុងការបង្ហាញវត្តមានលើឆាកអន្តរជាតិលើកដំបូងយ៉ាងអស្ចារ្យនេះ។
ជាមួយគ្នានោះ អ្វីកាន់តែចាប់អារម្មណ៍ទៀត បើងាកមើលតារាចម្រៀងស្រី ពេជ្រ សូលីកា ដែលជាមិត្តសម្លាញ់របស់ ទេព បូព្រឹក្ស វិញ បន្ទាប់ពីឃើញមិត្តត្រឡប់ពីសម្ដែងលើឆាកអន្តរជាតិយ៉ាងជោគជ័យនេះ អ្នកនាងបានរៀបចំនំទៅ Surprise អបអរចំពោះភាពជោគជ័យរបស់មិត្តយ៉ាងរំភើបពេញដោយស្នាមញញឹម និង ក្ដីស្រឡាញ់នៃមិត្តភាពអ្នកទាំងពីរផងដែរ៕
សូមចុចទីនេះដើម្បីទស្សនាវីដេអូ៖
