បើគិតមកដល់ពេលនេះ រយៈពេលប្រមាណជិត ៦ ឆ្នាំ មកហើយ ដែលសិល្បករ សិល្បការិនីវ័យក្មេង គឺនាយព្រែក កូនប្រុសតារាជើងចាស់ យាយយ៉យ និង កញ្ញា ឈិន មុន្នីនាថ កូនស្រីតារាចម្រៀងរៀមច្បង លោក ឈិន កុសល បានចងចំណងស្នេហ៍នឹងគ្នា។
រយៈពេលប្រមាណជាជិត ៦ ឆ្នាំ នេះ ដែរ នាយព្រែក និង កញ្ញា ឈិន មុន្នីនាថ បានឆ្លងឧបសគ្គនៃចំណងស្នេហ៍ទាំងរឿងល្អ និង រឿងមិនល្អ ដោយក្នុងនោះ ភាគច្រើនមហាជនតែងលើកឡើងថា ចំណងស្នេហ៍អ្នកទាំង ២ ពិតជាមិនបានយូរនោះទេ ខណៈ នាយព្រែក ធ្លាប់មានចំណងស្នេហ៍បែកបាក់ជាច្រើនលើកហើយនោះ។ ម្យ៉ាងវិញទៀត អ្នកខ្លះលើកឡើងថា នាយព្រែក ជាមនុស្សមានលេងសើចចរិតលេងសើចថែមទៀតផង។
តែយ៉ាងណាក៏ដោយ បើទោះជាមានពាក្យមិនល្អបានកើតឡើងចំពោះអ្នកទាំង ២ តែ នាយព្រែក និង កញ្ញា ឈិន មុន្នីនាថ បានចាប់ដៃគ្នារយៈពេលជិត ៦ ឆ្នាំ មកនេះ ដោយម្នាក់ៗប្រឹងប្រែងធ្វើការ បំពេញតួនាទីយ៉ាងល្អ ទាំងក្នុងនាមជាគូស្នេហ៍ និង ដៃគូការងារទៀតផង។
យ៉ាងណាមិញ ការទន្ទឹងរង់ចាំពីសំណាក់អ្នកគាំទ្រ ក្រុមគ្រួសារ និង មិត្តភក្តិក៏បានមកដល់ ថ្មីៗនេះ នាយព្រែក បានលុតជង្គង់សុំកញ្ញា ឈិន មុន្នីនាថ រៀបការហើយ ដោយ នាយព្រែក បានរៀបចំកម្មវិធីសុំរៀបការយ៉ាងរ៉ូមែនទិក ជាមួយនឹងមិត្តភក្តិស្និទ្ធស្នាល ហើយនាងបានឆ្លើយយល់ព្រមទាំងអារម្មណ៍រំភើបផងដែរ៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
