មហាជនអ្នកគាំទ្រតាមដានវិស័យបវរកញ្ញាបានជ្រាបហើយពីកញ្ញា រី ស្រីនេត ដែលធ្លាប់ជាបវរកញ្ញាដ៏លេចធ្លោមួយរូបក្នុងកម្មវិធីប្រកួត MGC 2024 ដ្បិតតែកាលនោះនាងទទួលបានត្រឹមជ័យលាភីរង ១ មែន ប៉ុន្តែនាងក៏ទទួលបានការស្រឡាញ់គាំទ្រច្រើន និង មានទីផ្សារខ្លាំងក្នុងវិស័យនេះមិនធម្មតាដែរ។
យ៉ាងណាមិញ មុនឈានជើងប្រឡូកចូលវិស័យបវរកញ្ញានេះ កញ្ញា រី ស្រីនេត ត្រូវបានគេស្គាល់ថាជាតារាសម្ដែងស្រីដ៏មានប្រជាប្រិយភាព និង ទេពកោលស្យមួយរូបក្នុងវិស័យភាពយន្ត ដែលបានបង្ហាញស្នាដៃសម្ដែងភាពយន្តខ្មែរល្បីៗជាច្រើនកន្លងមក។
ដោយឡែក បន្ទាប់ពីប្រឡូកវិស័យបវរកញ្ញាមួយរយៈ មកដល់ពេលនេះ រី ស្រីនេត ក៏បានវិលមកកាន់វិស័យសម្ដែងភាពយន្តវិញ ដោយពេលនេះនាងក្ដោបបានតំណែងជាតួស្រីក្នុងភាពយន្តខ្នាតធំជាលើកដំបូង គឺរឿង «បូជាសពពោះធំ» កំពុងចាក់បញ្ចាំងក្នុងរោងភាពយន្ត និង ទទួលបានការចាប់អារម្មណ៍គាំទ្រច្រើនពីទស្សនិកជន ព្រមទាំងសរសើរពីទេពកោសល្យនៃការសម្ដែងរបស់នាងផងដែរ៕
