បើគិតមកដល់ពេលនេះ អាចនឹងមានអ្នកនិយមតាមដានវិស័យសិល្បៈជំនាន់ក្រោយភ្លេច ឬមិនបានស្គាល់នោះទេ កញ្ញា អ៊ិន វល័ក្ខទេពី ម្ចាស់ជ័យលាភីលេខ ១ របស់កម្មវិធី «ស្រីស្រស់ ប្រុសស្អាត» ឆ្នាំ ២០០៦ របស់ស្ថានីយទូរទស្សន៍ CTN។
កាលនោះ ក្រោយពីទទួលបានតំណែងជ័យលាភីខាងលើហើយ ស្រីស្រស់ អ៊ិន វល័ក្ខទេពី ក៏ក្តោបបានតំណែងការងារសិល្បៈជាច្រើន មានទាំងជាពិធីករ និង តារាសម្តែងទៀតផង។ តែយ៉ាងណាមិញ គិតមកដល់ពេលនេះ រយៈពេលប្រមាណ ១០ ឆ្នាំ មកហើយ ដែល អ៊ិន វល័ក្ខទេពី បានចាកឆ្ងាយពីសិល្បៈនោះ។
ជាការពិត បើទោះជាបញ្ចប់អាជីពលើវិថីសិល្បៈក្តី តែមហាជនធ្លាប់គាំទ្រ អ៊ិន វល័ក្ខទេពី នៅតែចង់ដឹងពីសុខទុក្ខ និង តាមដានជីវិតឯកជនរបស់នាងដូចដើមតាមរយៈបណ្តាញសង្គមនានា ដោយជារឿយៗ អ្នកគាំទ្រតែងតែទៅមើលគណនីហ្វេសប៊ុករបស់នាង។
ក្នុងនោះដែរ បើគិតចាប់តាំងពីឆ្នាំនៃការប្រកួតកម្មវិធី «ស្រីស្រស់ ប្រុសស្អាត» ឆ្នាំ ២០០៦ មកដល់បច្ចុប្បន្នរយៈពេល ១៨ ឆ្នាំ ហើយ តែម្ចាស់ជ័យលាភីលេខ ១ រូបនេះ នៅតែរក្សាសម្រស់បែបធម្មជាតិរបស់នាងដូចដើម ហាក់មិនជ្រេទៅតាមវ័យនោះឡើយ៕
