ស្របពេលកម្ពុជាកំពុងមានការឈ្លានពានពីប្រទេសថៃ ដែលបានបាញ់វាយប្រហារមកលើកម្ពុជាមុន ឃើញថាប្រជាជនខ្មែរលើបណ្ដាញសង្គមទូទាំងប្រទេស កំពុងបង្ហោះចែករំលែកបង្ហាញការបួងសួងដល់បារមីវត្ថុស័ក្កិសិទ្ធ តាមជួយថែរក្សាដល់បងប្អូនកងទ័ពខ្មែរជួរមុខឱ្យមានសុវត្ថិភាពជាបន្តបន្ទាប់។
លើសពីនេះ លើបណ្ដាញសង្គមក៏កំពុងផ្ទុះចែករំលែកតតាំងនឹងការឈ្លានពាន ដែលប្រទេសថៃបានបំភ្លៃនូវការពិត និង លាបពណ៌មកលើកម្ពុជា ពេលនេះ មហាជន ក៏ដូចជាអ្នកសិល្បៈ និង បុគ្គលល្បីៗជាច្រើន បានបន្តចែករំលែកនិយាយអ្វីដែលជាការពិតពីកម្ពុជាទៅកាន់ពិភពលោកឱ្យបានដឹង តាមរយៈការបង្ហោះសារ និង វីដេអូជាភាសាបរទេសផ្សេងៗ។
ក្នុងនោះ បើងាកទៅមើល Youtuber កម្ពុជាល្បីឈ្មោះ អ្នកនាង ជា ស្រីជា ក៏បានចេញវីដេអូនិយាយជាភាសាអង់គ្លេស ដោយបកស្រាយការពិតជុំវិញការឈ្លានពានពីខាងប្រទេសថៃមកលើកម្ពុជា យ៉ាងមោះមុតពេញដោយស្មារតីការពារកិត្តិយសជាតិមាតុភូមិរបស់ខ្លួន។
វីដេអូរបស់ Youtuber ស្រីល្បីឈ្មោះរូបនេះ កំពុងផ្ទុះការចែករំលែកពេញបណ្ដាញសង្គម ដែលក្នុងនោះក៏មានការសរសើរពីទឹកចិត្ត និង ឆន្ទៈនៃការជួយបកស្រាយការពារកម្ពុជាពីការលាបពណ៌របស់ភាគីថៃទៅកាន់ពិភពលោកផងដែរ៕
សូមចុចទីនេះដើម្បីទស្សនាវីដេអូ៖
