ក្រោយពីម្ចាស់តំណែង Miss Supranational Cambodia 2024 កញ្ញា ឈុំ ចាន់ដារ៉ា បានតំណាងកម្ពុជាទៅចូលរួមប្រកួតលើឆាកអន្តរជាតិក្នុងកម្មវិធី Miss Supranational 2024 និង វិលមកកាន់មាតុប្រទេសកាលពីអំឡុងខែកក្កដា ឆ្នាំ ២០២៤ ហើយនោះ កម្មវិធីប្រកួត Miss and Mister Supranational Cambodia 2025 ក៏បានប្រកាសបេក្ខភាពចូលរួមដាក់ពាក្យប្រកួតកាលពីខែកញ្ញា ឆ្នាំ ២០២៥ ដែរ។
យ៉ាងណាមិញ កាលពីថ្ងៃទី ២៥ ខែតុលា ឆ្នាំ ២០២៥ កន្លងទៅនេះ អ្នកស្នេហាវិស័យបវរកញ្ញា ជាពិសេសកម្មវិធី Miss and Mister Supranational Cambodia មានការភ្ញាក់ផ្អើលយ៉ាងខ្លាំង ខណៈលោក ភួង វណ្ណា នាយកគ្រប់គ្រងថ្នាក់ជាតិ Miss and Mister Supranational Cambodia បានប្រកាសថា ការប្រកួតឆ្នាំនេះនឹងមិនមានលំដាប់រងទី ១ និង ទី ២ ទេ។
តាមរយៈការបង្ហោះរបស់លោក ភួង វណ្ណា នាយកគ្រប់គ្រងថ្នាក់ជាតិ Miss and Mister Supranational Cambodia បានរៀបរាប់ថា ៖ «Supra ឆ្នាំនេះ មិនមាន first and second runner up ទេ គឺប្រកាស tittle តែម្តង»៕
