តាំងពីហ្វេសប៊ុកដាក់ឱ្យប្រើមុខងារ Profile Lock ឬចាក់សោបិទមិនឱ្យចូលមើលព័ត៌មានគណនីមក ឃើញថាអ្នកលេងបណ្តាញសង្គមមួយចំនួនបានប្រើប្រាស់ចាក់បិទភ្លាមៗ។ កន្លងមក មានការលើកឡើងថា អ្នកដែលបាន Locked Profile សុទ្ធតែខ្មឺត លេងឫកពា តែតាមពិត បើតាមអ្នកជំនាញ មានហេតុផល ៤ យ៉ាង ដែលការចាក់សោនេះមានប្រយោជន៍ខ្លាំងចំពោះពួកគេ។
១. ការពារភាពឯកជន
ការប្រើមុខងារ Profile Lock ម្ចាស់គណនីអាចកំណត់អ្នកដែលអាចឃើញព័ត៌មានផ្ទាល់ខ្លួន រួមទាំងរូបភាពផ្សេងៗនៅលើគណនី រាប់តាំងពីរូប profile picture, រូប Cover photo និង timeline posts។ វាជួយការពារភាពឯកជន និង ការពារចំណាប់អារម្មណ៍ពីមនុស្សប្លែកមុខ។
២. ការពារការលួចអត្តសញ្ញាណ
ការកំណត់ការចូលមើលព័ត៌មានផ្ទាល់ខ្លួន អាចជួយការពារពីការលួចអត្តសញ្ញាណ ឬយកព័ត៌មានទៅក្លែងបន្លំ។ ធ្វើដូច្នេះ ម្ចាស់គណនីអាចប្រាកដថា ត្រឹមតែមិត្តភក្តិទុកចិត្ត និង សមាជិកគ្រួសារប៉ុណ្ណោះ ដែលអាចឃើញព័ត៌មានថ្មីៗរបស់ពួកគេ។
៣. ជៀសវាងការបៀតបៀន
ករណីខ្លះ បុគ្គលអាចជួបការបៀតបៀន ការមើលងាយ ឬការ bully នៅលើអនឡាញ។ ការប្រើមុខងារ Profile Lock ពួកគេអាចកំណត់អ្នកដែលអាចឃើញរូបភាព Profile និង ការពារអ្នកប្លែកមុខមកទាក់ទង ឬសរសេរខមមិនពាក្យមិនសមរម្យ។
៤. អាចគ្រប់គ្រងការអនឡាញ
សម្រាប់អ្នកចង់រក្សាការអនឡាញឱ្យកាន់តែមានលក្ខណៈឯកជន ការប្រើ Profile Lock ជាមុខងារដ៏មានប្រយោជន៍។ ពួកគេអាចគ្រប់គ្រងអ្នកដែលអាចមើលឃើញគណនី ហើយប្រាកដថាអ្នកដែលកំពុងអនឡាញ សុទ្ធតែជាអ្នកមានអត្តសញ្ញាណ និង តម្លៃច្បាស់លាស់ដូចគ្នា៕
ប្រភព៖ medium
