នៅរសៀលថ្ងៃទី ១២ ខែសីហា ឆ្នាំ ២០២៥ នេះ តាមរយៈផេក ហុងស៊ុយ របស់លោកគ្រូចិនសែ ម៉ុង បានចែករំលែកពីអត្ថប្រយោជន៍នៃការទទួលទានផ្លែស្ពឺ តាមក្បួនហុងស៊ុយ ព្រោះថាផ្លែស្ពឺកំពុងជាប្រធានបទដ៏ផ្អែមល្ហែមមួយ និង កំពុងពេញនិយមនៅលើបណ្ដាញសង្គម។
ក្នុងនោះ លោកគ្រូចិនសែ ម៉ុង បានបញ្ជាក់ឱ្យដឹងថា ក្នុងចំណោមផ្លែឈើនៃធាតុទាំង ៥ របស់ក្បួនធាតុទាំង ៥ នៃប្រទេសចិន «ផ្លែស្ពឺ» គឺស្ថិតនៅក្នុងចំណោមធាតុ «ឈើ» ដូចនេះអ្នកដែលមានរាសីត្រូវការធាតុឈើ ឬ ធាតុភ្លើង ដើម្បីលើករាសីការប្រើប្រាស់ ឬ ហូបផ្លែស្ពឺនេះ ក៏អាចជួយលើករាសីបានមួយចំណែកផងដែរ។
លោកគ្រូបានបញ្ជាក់បន្ថែមឱ្យបានដឹងទៀតថា ផ្លែឈើធាតុឈើ គឺមានច្រើនមុខ មិនមែនមានតែផ្លែស្ពឺតែមួយមុខនោះទេ តែការដែលលើកឡើងពីផ្លែស្ពឺនេះ ក៏ព្រោះលោកគ្រូកំពុងផ្អែមជាមួយប្រធានបទផ្លែស្ពឺនេះ ដូចបងប្អូនយើងដែរ៕
