ប្រិយមិត្តដែលស្រឡាញ់គាំទ្រអតីតតារាកំប្លែង អ្នកនាង ផន សុផារី ភាគច្រើនសុទ្ធតែបានជ្រាបហើយថា ក្រុមគ្រួសាររបស់តារាស្រីរូបនេះ សុទ្ធសឹងតែមានឈាមជ័រជាអ្នកសិល្បៈ ដោយឪពុកម្ដាយរបស់អ្នកនាង គឺជាអ្នកល្ខោនបាសាក់ដ៏ល្បី និង ជាម្ចាស់វង់ល្ខោនបាសាក់ ភី សុគន្ធី ទៀតផង។
យ៉ាងណាមិញ បច្ចុប្បន្ន អ្នកនាង ផន សុផារី ក៏បានរយាលក្នុងការសម្តែងល្ខោនបាសាក់ហើយដែរ ដោយអ្នកនាង មមាញឹកក្នុងការមើលថែក្រុមគ្រួសារ និង មុខជំនួញក្នុងដៃជាច្រើន។
ដោយឡែក ដូចមហាជនបានជ្រាបហើយថា អ្នកនាង ផន សុផារី នៅមានបងប្រុសម្នាក់ និង ប្អូនស្រី ២ នាក់ ទៀត ដោយបច្ចុប្បន្ន បងប្រុសបានរៀបការសាងគ្រួសាររួចរាល់ដូចគ្នា ខណៈប្អូនស្រី ២ រូប នៅសិក្សាថ្នាក់វិទ្យាល័យនៅឡើយ។
តែអ្វីដែលគួរឱ្យចាប់អារម្មណ៍នោះ បើទោះបច្ចុប្បន្នអ្នកនាង ផន សុផារី បានផ្អាកក្នុងការសម្តែងល្ខោនបាសាក់ក្នុងវង់ល្ខោនជាមួយឪពុកម្តាយ ប៉ុន្តែមហាជនបានឃើញប្អូនស្រី ២ នាក់ ទៀតរបស់អ្នកនាង កំពុងតែបានចាប់យកអាជីពជាអ្នកសម្តែងល្ខោនដូចនាងកាលពីមុន ស្នងតំណែងក្នុងគ្រួសារ ធ្វើឱ្យមហាជនសរសើរយ៉ាងខ្លាំង៕
