រយៈពេលជាង ១ ខែហើយ ដែលតារាស្រី សុគា គីមលាង ហៅ Kon Ant បានទទួលឱកាសជ្រើសក្លាយជាម្ចាស់តំណែងថ្មីនៃ Universal Woman Cambodia 2025 នឹងត្រូវត្រៀមខ្លួនចូលរួមប្រកួតលើឆាកអន្តរជាតិ Universal Woman 2025 នៅឯប្រទេសឥណ្ឌា។
យ៉ាងណាមិញ ស្របពេលត្រៀមខ្លួនប្រកួតលើឆាកអន្តរជាតិ Universal Woman ឆាប់ៗខាងមុខ ស្រាប់តែ ថ្មីៗនេះ សុគា គីមលាង កាន់តែធ្វើឱ្យមហាជនភ្ញាក់ផ្អើលខ្លាំង ខណៈបានឃើញនាងបង្ហាញវត្តមានជាបេក្ខភាពផ្លូវការក្នុងកម្មវិធី Miss Universe Cambodia 2025 ដែលកំពុងដំណើរការវគ្គបង្ហាញខ្លួនដំបូងយ៉ាងជឿជាក់។
ជុំវិញការបង្ហាញខ្លួនជាបេក្ខភាពប្រកួតកម្មវិធី Miss Universe Cambodia 2025 ស្របពេលកំពុងគ្រងតំណែងជា Universal Woman Cambodia 2025 នេះដែរ សុគា គីមលាង ក៏បានធ្វើឱ្យមហាជនអ្នកគាំទ្រផ្ទុះចម្ងល់ទាក់ទងនឹងការត្រៀមខ្លួនទៅប្រកួតលើឆាកអន្តរជាតិ Universal Woman 2025 ខាងមុខនេះដែរ។
ក្នុងនោះ តាមរយៈកិច្ចសម្ភាស ក៏ដូចជាការចែករំលែកពីអ្នកគាំទ្ររបស់កញ្ញា សុគា គីមលាង បានឱ្យដឹងថាដោយសារតែកម្មវិធីអន្តរជាតិ Universal Woman 2025 ត្រូវបានពន្យាពេលប្រកួតរហូតដល់ជាង ២ ទៀតទើបដំណើរការប្រកួត ពោលគឺនឹងប្រព្រឹត្តឡើងចាប់ពីថ្ងៃទី ១ ដល់ទី ១១ ខែសីហា ឆ្នាំ ២០២៥ ខាងមុខ ទើបបវរកញ្ញារូបនេះ សម្រេចចិត្តឆ្លៀតឱកាសនេះដើរតាមក្ដីស្រមៃមួយទៀត គឺចូលប្រកួតដណ្ដើមមកុដក្នុងកម្មវិធី Miss Universe Cambodia 2025 តែម្ដង៕
