នៅថ្ងៃទី ២៥ ខែកក្កដា ឆ្នាំ ២០២៥ នេះ ទូរទស្សជាតិកម្ពុជា បានបង្ហាញរូបភាពមួយចំនួនជាភស្តុតាងយ៉ាងច្បាស់ៗ ដែលបានបង្ហាញថាសៀមបានប្រើសព្វាវុធធន់ធ្ងន់ និង គ្រាប់បែកចង្កោម របស់កងទព័សៀមឈ្លានពាន ដែលបានកម្ទេចមូលដ្ឋានប្រជាពលរដ្ឋស្លូតត្រង់កម្ពុជា វត្តអារាម មន្ទីរពេទ្យ សាលារៀន និង ប្រាសាទខ្មែរ ដែលនេះគឺជាការប្រឆាំងនឹងអនុសញ្ញាអន្តរជាតិយ៉ាងធ្ងន់ធ្ងរ។
ដោយឡែក នៅក្នុងសន្និសីទសារព័ត៌មាន នៅថ្ងៃទី ២៥ ខែកក្កដា ឆ្នាំ ២០២៥ នេះ លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និង ជាអ្នកនាំពាក្យក្រសួងការពារជាតិ ក៏បានបានបញ្ជាក់ពីការវិវត្តន៍នៅក្នុងថ្ងៃទី ២ នៃការឈ្លានពានភាគីថៃមកលើទឹកដីកម្ពុជាផងដែរ ដែលនៅថ្ងៃទី ២៥ ខែកក្កដា ឆ្នាំ ២០២៥ នេះ ភាគីថៃបានបើកការវាយប្រហារទៅតាមពេលវេលា និង ទីតាំងដូចខាងក្រោម ៖
– នៅវេលាម៉ោង ៣៖២០ នាទី ថៃបានបើកការវាយប្រហារនៅតំបន់ភ្នំខ្មោច តាថាវ និង ភ្នំ៣៣៣
– នៅវេលាម៉ោង ៥៖២៥ នាទី ថៃបានប្រើគ្រាប់បែកចង្កោម វាយប្រហារមកលើតំបន់ភ្នំខ្មោច
– នៅវេលាម៉ោង ៥៖ ៣០ នាទី ថៃចាប់ផ្ដើមវាយប្រហារនៅតំបន់ប្រាសាទតាមាន់ និង ប្រសាទតាក្របី
– នៅវេលាម៉ោង ៥ ៖ ៤០ នាទី ថៃចាប់ផ្ដើមវាយប្រហារនៅតំបន់មុំ ៣
– នៅវេលាម៉ោង ៦ ៖ ៥០ នាទី ថៃបាញ់គ្រាប់ចង្កោមលើកទី ២ នៅភូមិតេជោធម្មជាតិ ស្រុកជាំក្សាន្ត ខេត្តព្រះវិហារ
– នៅវេលាម៉ោង ៧៖ ០៣ នាទី ថៃបាញ់ចូលគោលដៅ ក្នុងតំបន់ជាំតែ
– នៅវេលាម៉ោង ៨៖ ០០ នាទី ថៃបានព្យាយាមវាយដណ្ដើមយកប្រាសាទតាក្របី ប៉ុន្តែកងកម្លាំងកម្ពុជា បានតស៊ូយ៉ាងស្វិតស្វាញ ហើយប្ដេជ្ញាការពារឱ្យខានតែបាន មិនឱ្យមានការរំលោភបំពានមកលើដែនអធិបតេយ្យភាពកម្ពុជាឡើយ៕
ខាងក្រោមនេះ ជារូបភាពភស្តុតាង បង្ហាញថាភាគីសៀម បានប្រើសព្វាវុធធន់ធ្ងន់ និង គ្រា-ប់ចង្កោម ប្រឆាំងអនុសញ្ញាអន្តរជាតិយ៉ាងធ្ងន់ធ្ងរ ៖
