ប្រាប់តៗផង! ក្រសួងសុខាភិបាល ប្រកាសឱ្យពលរដ្ឋចាក់វ៉ាក់សាំងកូវីដ-១៩ ដល់អ្នកមានអាយុ ១២ ឆ្នាំឡើង ពិសេសមនុស្សចាស់ និង អ្នកមានជំងឺរ៉ាំរ៉ៃ

នៅថ្ងៃទី ១៩ ខែឧសភា ឆ្នាំ ២០២៥ នេះ ក្រសួងសុខាភិបាល បានជូនដំណឹងស្ដីពីការជំរុញការចាក់វ៉ាក់សាំងកូវីដ-១៩ រំឭកដល់ប្រជាពលរដ្ឋអាយុចាប់ពី ១២ ឆ្នាំឡើង ដើម្បីបង្ការជាមុន សំដៅធានាភាពស៊ាំសហគមន៍ ទប់ស្កាត់ការរីករាលដាលនៃជំងឺកូវីដ-១៩ ឆ្នាំ ២០២៥។

ក្រសួងសុខាភិបាលបានបញ្ជាក់ឱ្យដឹងថា ដោយរកឃើញមានការឆ្លងដោយកន្លែងនៃជំងឺកូវីដ-១៩ ថ្មី (JN.1 lineages) (Covid-19 Omicron) កន្លងមក ដូចនេះដើម្បីបង្ការជាមុនសំដៅធានាភាពស៊ាំសហគមន៍ និង ទប់ស្កាត់ការរីករាលដាលនៃជំងឺកូវីដ-១៩ ថ្មី ក្រសួងសុខាភិបាល សូមណែនាំជំរុញការចាក់វ៉ាក់សាំងកូវីដ-១៩ រំឭកដល់ប្រជាជនអាយុចាប់ពី ១២ ឆ្នាំឡើង រាល់ ៦ ខែម្តង តាមយុទ្ធសាស្ត្រនៃការចាក់រំឭកវ៉ាក់សាំងកូវីដ-១៩ ជាពិសេស ក្រសួងលើកទឹកចិត្តទៅទទួលវ៉ាក់សាំងដើម្បីការពារជំងឺកូវីដ-១៩ ថ្មី សម្រាប់ជនវ័យចាស់ ជនចាស់ជរា អ្នកមានជំងឺរ៉ាំរ៉ៃ និង មានភាពស៊ាំថយចុះជាដើម ដូចខាងក្រោម៖

១. ផ្តល់វ៉ាក់សាំងកូវីដ-១៩ ជាប្រចាំនៅគ្រប់មូលដ្ឋានសុខាភិបាលសាធារណៈរួមមានមន្ទីរពេទ្យជាតិ និង មណ្ឌលសុខភាព

២. ផ្តល់វ៉ាក់សាំងកូវីដ-១៩ ដោយរួមបញ្ចូលជាមួយសកម្មភាពចុះផ្តល់សេវាសុខភាពមូលដ្ឋាន៕

សូមអានសេចក្ដីលម្អិតនៅខាងក្រោម ៖