ABA ដែលជាធនាគារពាណិជ្ជធំជាងគេរបស់កម្ពុជា និងជាធនាគារចេញកាតឈានមុខមួយប្រចាំប្រទេស ប្រកាសអំពីកិច្ចសហការផ្តាច់មុខជាមួយសិល្បករឆ្នើមរបស់កម្ពុជាគឺលោក VannDa និងក្រុមហ៊ុន Visa ដែលជាស្ថាប័នទូទាត់សកលឈានមុខ ដើម្បីដាក់ដំណើរការកាតឥណពន្ធ ABA VannDa Visa រចនាពិសេស ជាមួយចំនួនមានកំណត់។
កាតរចនាពិសេសជាមួយវត្តមានសិល្បករខ្មែរដំបូងបង្អស់នៅលើកាតអន្ដរជាតិ បើកឲ្យអតិថិជនដែលស្រឡាញ់ពេញចិត្ត ធ្វើការកុម្មង់ សម្រាប់ប្រើប្រាស់ ក្នុងការទូទាត់ក្រៅប្រទេសយ៉ាងងាយស្រួល ជាមួយនិមិត្តរូប និងក្បាច់រចនាពិសេសដោយឡែក។
ដោយមានការសហការជាមួយសិល្បករខ្មែរដ៏មានទេពកោសល្យ កាតរចនាពិសេស មានចំនួនកំណត់នេះ ត្រូវបានសម្រិតសម្រាំងយ៉ាងយកចិត្តទុកដាក់ និងគិតគូរលើគ្រប់ចំណុចទាំងអស់ ដើម្បីឆ្លុះ បញ្ចាំងពីស្នាដៃ សមត្ថភាព និងគំនិតច្នៃប្រឌិតរបស់ វណ្ណដា ជាមួយនឹងថាមពលរស់រវើកនៃ យុវជនខ្មែរសម័យថ្មី។ កាតនេះក៏បង្ហាញផងដែរ ពីការយកចិត្តទុកដាក់របស់ធនាគារ ABA ក្នុងការគាំទ្រសិល្បករ ខ្មែរ និងការឲ្យតម្លៃទៅលើគំនិតច្នៃប្រឌិត និងការបង្កើតថ្មី។
លោក Sanzhar Abdullayev នាយកកាត និងសេវាទូទាត់អេឡិកត្រូនិក មានប្រសាសន៍ថា “កាត ABA VannDa រចនាពិសេសមានចំនួនកំណត់នេះ ឆ្លុះបញ្ចាំងពីការប្ដេជ្ញាចិត្តរបស់យើងខ្ញុំក្នុងការបំពេញតម្រូវការជូនអតិថិជន ដោយបន្ថែមជម្រើសសម្បូរបែប រួមជាមួយការសាទរវប្បធម៌ខ្មែរសម័យទំនើប”។ លោកបានបន្ថែមថា “ការសហការជាមួយវណ្ណដា ដែលជាសិល្បករមួយរូបបានបង្ហាញកម្ពុជានៅលើឆាកអន្ដរជាតិ ក្នុងព្រឹត្តិការណ៍កីឡាអូឡាំពិកកាលពីឆ្នាំ 2024 កន្លងទៅ គឺស្របទាំងស្រុងទៅនឹងចក្ខុវិស័យរបស់យើង។ កាត ABA VannDa Visa Card នឹងបើកឱកាសឲ្យយុវជនខ្មែរដែលស្រឡាញ់ពេញចិត្តម៉ូដរចនានេះ អាចធ្វើការកុម្មង់ ដើម្បីយកទៅប្រើប្រាស់ សម្រាប់ធ្វើប្រតិបត្តិការយ៉ាងងាយស្រួលនៅក្នុងទីកន្លែងទាំងក្នុង និងក្រៅប្រទេស ជាមួយនិមិត្តរូបដែលពួកគាត់កោតស្ញប់ស្ញែង។ ”
បង្កើតឡើងសម្រាប់យុវវ័យសម័យឌីជីថល និងមានទំនាក់ទំនងសកលទូលំទូលាយដែលស្រឡាញ់ពេញចិត្ត កាតនេះជាជម្រើសដ៏ល្អប្រសើរសម្រាប់ការធ្វើដំណើរទៅក្រៅប្រទេស ទិញអីវ៉ាន់អនឡាញ និងប្រតិបត្តិការសំខាន់ៗប្រចាំថ្ងៃ។ លើសពីការរចនាដ៏ប្រណីតផ្ចិតផ្ចង់ កាតនេះគឺជាដំណោះស្រាយទូទាត់ដែលមានមុខងារពេញលេញ និងសុវត្ថិភាពខ្ពស់។
ដើម្បីសាទរដល់ការដាក់ដំណើរការកាតរចនាពិសេសនេះ ធនាគារ ABA នឹងមានផ្ដល់អត្ថប្រយោជន៍ផ្ដាច់មុខជូនដល់ម្ចាស់កាត ABA VannDa Visa ទាំងអស់ ដោយពួកគាត់នឹងអាចឈ្នះ វត្ថុអនុវស្សាវរីយ ឬMerchandise របស់វណ្ណដា និងឱកាសទទួលបានបទពិសោធផ្ដាច់មុខជាច្រើនទៀត។
លោកវណ្ណដា បានបង្ហាញចំណាប់អារម្មណ៍ក្នុងឱកាសដាក់ដំណើរការកាតថា “ភាពជាដៃគូជាមួយធនាគារ ABA និង Visa គឺលើសពីការតំណាងឲ្យម៉ាកយីហោ ពោលគឺវាមានលក្ខណៈផ្ទាល់ខ្លួន។ “វាជាការបង្ហាញយុវជនខ្មែរថា យើងអាចស្រមៃឲ្យធំ ពង្រីកវិសាលភាព និងសមត្ថភាពឆ្ពោះទៅកាន់សកលលោក។ មិនថាបងប្អូនកំពុងសិក្សានៅបរទេសទិញអីវ៉ាន់អន ឡាញ ធ្វើដំណើរ ឬសម្រេចគោលដៅណាមួយរបស់បងប្អូន កាតនេះជាការរំលឹកថា បងប្អូននាំមរតកវប្បធម៌ និងភាពជាខ្មែរ ទៅជាមួយបងប្អូនជានិច្ច”។
អ្នកនាង Lisa Sargent នាយិកាគ្រប់គ្រង Visa ប្រចាំប្រទេសកម្ពុជា មានប្រសាសន៍ក្នុងឱកាសនោះថា “ក្រុមហ៊ុន Visa មានសេចក្ដីរីករាយយ៉ាងក្រៃលែងដែលបានចាប់ដៃគូជាមួយធនាគារ ABA សម្រាប់កិច្ចសហការដ៏មានអត្ថន័យនេះ។ កាត ABA VannDa Visa នេះ ផ្ដល់អានុភាពដល់ប្រជាពលរដ្ឋខ្មែរ ទទួលយក និងកោតស្ញប់ស្ញែងអត្តសញ្ញាណវប្បធម៌របស់ពួកគេ ខណៈភ្ជាប់ទំនាក់ទំនងជាមួយសហគមន៍ពិភពលោក។ កិច្ចសហការនេះ គូសបញ្ជាក់ពីការប្តេជ្ញាចិត្តរបស់ក្រុមហ៊ុន Visa ក្នុងការសាទរវប្បធម៌ខ្មែរ ស្នាដៃច្នៃប្រឌិត និងសហគមន៍រស់រវើក តាមរយៈដំណោះស្រាយទូទាត់ដ៏សុវត្ថិភាព ងាយស្រួល ពេញដោយអត្ថន័យ។
កញ្ញា Laura Mam នាយិកាប្រតិបត្តិផលិតកម្មបារមី មានប្រសាសន៍ថា “តំណាងឲ្យក្រុមការងារបារមីទាំងមូល យើងខ្ញុំមានមោទនភាពយ៉ាងក្រៃលែង ក្នុងឱកាសដាក់ដំណើរការកាតរចនា ABA VannDa Visa រចនាពិសេសនេះ។ នៅលើពិភពលោក តាមបណ្ដាប្រទេសជាច្រើនបានលើកតម្កើងរូបតំណាងរបស់ពួកគេ ដោយដាក់បង្ហាញនៅលើកាតទូទាត់ ហើយនេះគឺជានិមិត្តរូបដ៏មានអានុភាពមួយ ដែលសិល្បករខ្មែរយើងអាចតំណាងតាមមធ្យោបាយបែបនេះដែរ ហើយនេះគឺជាវឌ្ឍនភាពដ៏សំខាន់មួយសម្រាប់ឧស្សាហកម្មតន្ដ្រីរបស់ប្រទេសយើង”
ហ្វែន VannDa អាចស្នើកាត Visa ពិសេសនេះបាន ដោយចុចតែពីរបីប៉ក់ប៉ុណ្ណោះនៅលើ ABA Mobile៖
▪ បើកកម្មវិធី ABA Mobile រួចចុចប៊ូតុង កាត
▪ ចុច បើកកាតថ្មី នៅផ្នែកខាងក្រោមនៃអេក្រង់នោះ រួចជ្រើសរើស VannDa
▪ ជ្រើសរើសគណនីភ្ជាប់កាត រួចចុច ស្នើឥឡូវ ជាការស្រេច។
ក្លាយជាម្ចាស់កាតដ៏ពិសេសនេះ ដើម្បីបង្ហាញភាពលេចធ្លោ ទេពកោសល្យខ្មែរយើង ពេលប្រើប្រាស់សម្រាប់ទូទាត់គ្រប់ទីកន្លែង ទាំងក្នុង និងក្រៅប្រទេស ជាមួយបទពិសោធរលូនស្រួល និងសុវត្ថិភាពខ្ពស់!
ដោនឡូតកម្មវិធី ABA Mobile ឥឡូវ៖ https://aba.onelink.me/oRF8/ABAmobile
