អ្នកនិយមប្រើម៉ូតូ Vespa ដឹងតែត្រៀមចាយរាងកាន់តែអ៊េមទៀតហើយ ដោយថ្មីៗនេះ Vespa បានបញ្ចេញម៉ូដសម្លៀកបំពាក់សម្រាប់រដូវក្តៅឆ្នាំ ២០២៥ ស្ទីលហ្វេហ្សិនបែប Holiday ស៊ីមេទ្រីបំផុតនឹងម៉ូតូដ៏ប្រណីត។
ខូឡិកហ្សិនខ្នាតតូចឬហៅថា capsule collection នេះ គឺជាការបញ្ចេញម៉ូដលើកទីបីហើយ ដែលជាផ្នែកមួយនៃគម្រោង lifestyle project ដែលត្រូវបានណែនាំកាលពីឆ្នាំទៅមិញ។ តាមរយៈរូបភាពបង្ហាញជាសកល វាជាការបង្ហាញពីស្ទីលយានជំនិះបែបអ៊ីតាលី ដែលធ្វើដំណើរនៅលើដងវិថីជាមួយឈុតសម្លៀកបំពាក់ដ៏មានផាសុកភាព និង ស៊ីវិល័យ ត្រូវបានក្រសោបឥទ្ធិពលពីលោកខាងលិច។
ខូឡិកហ្សិនមានទាំងសម្រាប់បុរស និង នារី។ ក្នុងនោះរួមមាន៖ អាវក្នុង អាវក្រៅ អាវធំ ខោខូវប៊យ រួមទាំងគ្រឿងលម្អ ដូចជាខ្សែដៃ ខ្សែក្រវាត់ មួក និង កន្សែងជាដើម។ ចំពោះតម្លៃវិញ អាស្រ័យទៅតាមមុខទំនិញ ដោយមានតម្លៃចាប់ពី ១០០ ដុល្លារ ទៅជាង ២០០ ដុល្លារ៕
ប្រភព៖ WWD
