ទិដ្ឋភាពមង្គលការ ទេព បូព្រឹក្ស និង ជី ដេវីត ព្រឹកនេះ អធិកអធមណាស់ ប្រជុំដោយអ្នកសិល្បៈល្បីៗចូលរួមច្រើនកុះកុរ

បន្ទាប់ពីចាប់អារម្មណ៍កម្មវិធីពិសេសៗបែបប្រពៃណីខ្មែរក្នុងថ្ងៃចូលរោងជ័យ មកដល់ព្រឹកថ្ងៃទី ៧ ខែមិថុនា ឆ្នាំ ២០២៥ នេះ កាន់តែរំភើបសម្រាប់មហាជនអ្នកគាំទ្រតាមដានលើបណ្ដាញសង្គម និង សាមីខ្លួនកូនកំលោះកូនក្រមុំអ្នកនាង ទេព បូព្រឹក្ស និង លោក ជី ដេវីត ផ្ទាល់ ក្នុងពិធីសិរីអាពាហ៍ពិពាហ៍រៀបចំឡើងយ៉ាងធំអធិកអធមនេះ។

ពិតណាស់ ទិដ្ឋភាពក្នុងថ្ងៃសិរីមង្គលរបស់អ្នកនាង ទេព បូព្រឹក្ស និង លោក ជី ដេវីត នាពេលព្រឹកនៃកម្មពិធីហែជំនូន ក៏ដូចជាកម្មពិធីប្រពៃណីផ្សេងៗ បានរៀបចំឡើងកាន់តែប្រណីតស្រស់ស្អាតពេញដោយពណ៌ទឹកមាស និង មើលទៅកូនក្រមុំ កូនកំលោះ កាន់តែស្រស់ស្អាតគួរឱ្យស្រឡាញ់ខ្លាំងពេញដោយស្នាមញញឹមមានសុភមង្គលក្នុងថ្ងៃដ៏មានសិរីសួស្ដីនេះ។

ក្នុងកម្មពិធីនាពេលព្រឹកនេះដែរ ក៏បានឃើញវត្តមានរបស់បងប្អូនសាច់ញាតិ អ្នកស្និទ្ធស្នាល ក៏ដូចជាសិល្បករ-ការិនីល្បីៗជាច្រើនបានចូលរួមអបអរសាទរ និង ជូនពរដល់កូនប្រុសស្រីយ៉ាងច្រើនកុះករ៕

Picture to right owner