ទារិកាទើបកើតម្នាក់ កំពុងផ្ទុះការចាប់អារម្មណ៍លើហ្វេសប៊ុក ដោយសារមានឈ្មោះកំណើតវែងថា «តូម៉ុនីគន្ធ កុសមៈនារីរ័ត្នឥន្រ្ទវត្តីសិរីទេវី»

មហាជនអ្នកប្រើប្រាស់បណ្ដាញសង្គមហ្វេសប៊ុក បាន និង កំពុងនាំគ្នាផ្ទុះការចែករំលែក និង សម្ដែងក្ដីចាប់អារម្មណ៍ទៅលើឈ្មោះទារិកាមួយរូប ដែលទើបកើតពីផ្ទៃអ្នកម្ដាយ កាលពីថ្ងៃទី ១៥ ខែតុលា ឆ្នាំ ២០២៥ ថ្មីៗនេះកន្លងទៅនេះ ដោយសារមានឈ្មោះវែង និង មានលក្ខណៈគួរឱ្យកត់សម្គាល់។

តាមរយៈគណនីហ្វេសប៊ុកឈ្មោះ Muny To ដែលត្រូវជាឪពុក បានបង្ហោះរូបកូនស្រីបង្ហាញអារម្មណ៍រំភើបសប្បាយរីករាយ និង ស្វាគមន៍កូនស្រីជាទីស្រឡាញ់របស់លោក ដែលបានកើតនៅវេលាម៉ោង ៨:១៥ នាទីព្រឹក ត្រូវនឹងថ្ងៃទី ១៥ ខែតុលា ឆ្នាំ ២០២៥ ដោយរូបលោកបានដាក់ឈ្មោះឱ្យកូនស្រីថា «តូម៉ុនីគន្ធ កុសមៈនារីរ័ត្នឥន្រ្ទវត្តីសិរីទេវី»។

តាមរយៈឈ្មោះខាងលើនេះផងដែរ បានធ្វើឱ្យមហាជនអ្នកប្រើប្រាស់បណ្ដាញសង្គមនាំគ្នាផ្ទុះការចាប់អារម្មណ៍ និង ចែករំលែកបន្តគ្នាព្រោងព្រាត បង្កើតបានទៅជាការជជែកវែកញែកគ្នាទៅវិញទៅមក ចំពោះឈ្មោះនេះផងដែរ៕

សូមចុចទីនេះដើម្បីទស្សនាវីដេអូការពន្យល់ពីបុរសដែលជាឪពុក