នៅព្រឹកថ្ងៃទី ០៥ ខែសីហា ឆ្នាំ ២០២៥ តាមរយៈការដកស្រង់ចេញពីសារព័ត៌មាន Fresh News បានចុះផ្សាយពី គម្រោងផែនការរបស់ថៃ ប្រើវិធីទម្លាក់គ្រាប់ដើម្បីធ្វើឃាតសម្តេច ហ៊ុន សែន និង សម្តេចធិបតី។
តាមសេចក្តីលម្អិតរបស់ប្រភពខាងលើ បានឱ្យដឹងថា យោងតាមប្រភពផ្លូវការដែលអាចជឿជាក់បាន តាមព័ត៌មានចារកម្មរបស់បរទេសមួយបានយកការណ៍ថា ថៃមានផែនការប្រើប្រាស់យន្តហោះ AT6 TH light attack បំពាក់ដោយគ្រាប់ Korean GPS Guided bomb ដែលងាយគេច និង តូចងាយវាយប្រហារជាងប្រើ F16 វាយប្រហារដែលមានល្បឿនលឿន មិនអាចឱ្យកងទ័ពកម្ពុជាមានឱកាសប្រើកាំជ្រួចបាញ់បាន ដើម្បីធ្វើឃាតសម្តេចតេជោ ហ៊ុន សែន និង សម្តេចធិបតី ហ៊ុន ម៉ាណែត។
ការចេញផ្សាយបានបន្ថែមថា តាមការឱ្យដឹងពីស្ថាប័នចារកិច្ចបរទេសមួយថា ថៃបានទទួលយន្តហោះចំនួន ៨ គ្រឿង និង គ្រាប់ចំនួន ២០០ គ្រាប់ និង ប្រភេទយន្តហោះផ្សេងទៀតចំនួន ៤ គ្រឿង កាលពីថ្ងៃទី ២៩ ខែកក្កដា ឆ្នាំ ២០២៥ ដែលយកទៅជួសជុល និង ទិញគ្រាប់ពីប្រទេសកូរ៉េខាងត្បូង។ កាំជ្រួចទាំងនេះមានសមត្ថភាព និង គ្រោះថ្នាក់បំផុត ព្រោះមាន GPS នាំផ្លូវបាញ់ ឬ ទម្លាក់ចំគោលដៅល្អ។
ចំពោះគម្រោងដែលថៃត្រៀមទុក គឺរៀបចំផែនការ ដោយយកយន្តហោះនេះសាកល្បងប្រើនៅភ្នំទ្រព្យសិន ជាការសាកល្បងប្រសិទ្ធភាពរបស់វា ហើយពីថ្ងៃ ៤ ខែសីហា ឆ្នាំ ២០២៥ ពួកគេរង់ចាំការសិក្សាពីសមរភូមិតាមព្រំដែន ប្រសិនជាពុំអាចវាយកាន់កាប់តំបន់ទាំង ៨ បាននោះទេ គឺថៃនឹងប្រើយន្តហោះ AT6 TH light attack ហោះចេញពីខេត្តត្រាត ជៀសការយកចិត្តទុកដាក់ពីកងកម្លាំងការពារដែនសមុទ្រកម្ពុជា និង រង់ចាំការផ្តល់ទីតាំងពីចារកម្មខាងក្នុងកម្ពុជា រកចំណុចគេហដ្ឋានរបស់សម្តេច ហ៊ុន សែន និង សម្តេច ហ៊ុន ម៉ាណែត ឱ្យបានគឺប្រើឱកាសបាញ់គ្រាប់បែកនេះធ្វើឃាតឱ្យបានសម្រេចតែម្តង៕
