មហាជនលើបណ្ដាញសង្គមដែលអ្នកគាំទ្រតាមដានរបស់តារាចម្រៀងស្រី សួស វីសា កំពុងផ្ទុះចាប់អារម្មណ៍ចែករំលែកខ្លាំងជុំវិញរ៉ាវផ្ទុះការវែកញែកទាក់ទងនឹងវីដេអូមួយរបស់តារាស្រីរូបនេះ និង គ្រួសារ ដែលក្នុងនោះអ្នកនាងបានបង្ហាញសកម្មភាពចូលញ៉ាំភីហ្សានីហាងមួយកន្លែង ដែលត្រូវបានគេដឹងថាភីហ្សាប្រេនរបស់ថៃ។
ក្រៅពីមហាជនអ្នកលេងហ្វេសប៊ុក ក៏មានបុគ្គលល្បីៗលើបណ្ដាញសង្គម បានចែករំលែកពាសពេញបណ្ដាញសង្គម និង បញ្ចេញមតិវែកញែករៀងៗខ្លួនជុំវិញរឿងរ៉ាវនេះ ដែលភាគច្រើនមហាជនបង្ហាញការខកចិត្តខ្លាំងចំពោះសកម្មភាពរបស់ប្ដីប្រពន្ធអ្នកទាំងពីរ ស្របពេលមហាជនកំពុងពហិការមិនប្រើប្រាស់ផលិតផលដែលមានស្លាកយីហោរនាំចូលពីប្រទេសថៃនោះ។
ដោយឡែក ក្រោយផ្ទុះការរិះគន់ខ្លាំងពេញបណ្ដាញសង្គម មុននេះ ក៏បានឃើញហ្វេសប៊ុកផេករបស់អ្នកនាង សួស វីសា បានបង្ហោះសារបកស្រាយ និង បង្ហាញការសុំទោសចំពោះកំហុសអចេតនា និង រៀបរាប់ពីមូលហេតុដែលនាង និង គ្រួសារ ចូលញ៉ាំភីហ្សារនេះផងដែរ។
សារនោះ អ្នកនាង សួស វីសា បានបង្ហោះរៀបរាប់ថា ៖ «ទើបតែបើកភ្នែកមកនៅ France ម៉ោងទើបតែ 8 ជាងព្រឹកទេ ឃើញបងប្អូនខ្ញុំឆាតមកច្រើនថាមានគេជេរផ្អើល FB ខ្ញុំទើបបានមើល video ឡើងវិញ ពុទ្ធោខ្ញុំពិតជាខុសខ្ញុំសុំទោស តែវាអច្ចេតនាទេ ព្រោះពេលនោះជណ្តើរយន្តដាច់ភ្លើង អត់ដំណើរការក្មេងៗយំទាមាន់បំពង វ៉ាលីក៏ច្រើនផង គ្រួសារច្រើនវ៉ល់ៗផង ក៏មើលមិនគ្រប់ជ្រុងជ្រោយ ពិតជាអត់ដឹងថាខុសសោះពេលនោះ ធ្វើដំណើរជាច្រើនម៉ោងអស់កម្លាំងអត់បានគេងផង បើកភ្នែកមកសូប្រាយកាត់ព្រឹកទៀត ឥឡូវសុំងូតទឹកសិនតិចទៀត ខ្ញុំចេញ video សុំទោសអុំពូមីងសាធារណៈលែងឱ្យមានលើកក្រោយទៀតហើយ»៕
