ប្រិយមិត្តមួយចំនួនច្បាស់ជាបានស្គាល់លោកគ្រូចិនសែ ម៉ុង ហើយ ដោយលោកគឺជាគ្រូហុងស៊ុយបែបវិទ្យាសាស្ត្រមួយរូប តែងចែករំលែកពីក្បួនហុងស៊ុយ វិធីសាស្រ្ដសែនព្រេងបែបចិន និង គ្រឿងហុងស៊ុយផ្សេងៗ តាមរយៈផេក ហុងស៊ុយ ជាប្រយោជន៍សម្រាប់អ្នកចង់ស្វែងយល់ពីហុងស៊ុយក្នុងការរស់នៅប្រចាំថ្ងៃ ប្រចាំខែ និង ប្រចាំឆ្នាំ ជាដើម។
ឈានចូលមកដល់ដើមខែមីនានេះផងដែរ តាមរយៈផេក ហុងស៊ុយ របស់លោកគ្រូចិនស៊ែ ម៉ុង បានបញ្ជាក់ឱ្យបានដឹងថា មានឆ្នាំចំនួន ២ ដែលក្នុងខែនេះអាចមាន ឡៅកុង (ស្វាមី) ឡៅប៉ (ភរិយា) ហៅហ្នឹងគេ នោះគឺអ្នកកើតឆ្នាំថោះ និង ឆ្នាំម្សាញ់។
ក្នុងនោះ លោកគ្រូបានបញ្ជាក់ឱ្យដឹងបន្ថែមផងដែរថា ដើម្បីឱ្យខែនេះអាចមានគូ គឺអ្នកកើតឆ្នាំទាំង ២ ត្រូវយកដើមរាសីចំនួន ៩ ដើម ដាក់ក្នុងថូទឹក ទៅដាក់តាំងនៅក្នុងទិសខាងលិច នោះគឺអាចជំរុញតារាសាស្រ្ដស្នេហ៌របស់អ្នកឱ្យកាន់តែមានប្រជាប្រិយភាពកាន់តែខ្លាំង សម្រាប់ឆ្នាំ ២០២៥ តែក៏ត្រូវចេះបើកបេះដូងផងដែរ៕
ប្រភព ៖ ហុងស៊ុយ
