ថ្មីៗនេះ អ្នកជំនាញផ្នែកវេជ្ជសាស្រ្ដដ៏ល្បីឈ្មោះ Dr. Do មកពីមន្ទីរពេទ្យ Beijing Xiahe ប្រទេសចិន បានទម្លាយពីករណីប្លែកមួយ ដែលមិត្តរួមការងារបាននិយាយប្រាប់ ដោយមានបុរសម្នាក់បត់ជើងតូចចេញមកសុទ្ធតែដង្កូវ។
ក្នុងនោះ បុរសខាងលើនេះ បានមករកគ្រូពេទ្យទាំងភិតភ័យ ក្រោយពីមានបញ្ហានោមចេញមកសុទ្ធតែដង្កូវយ៉ាងចម្លែក។ គ្រូពេទ្យបានត្រួតពិនិត្យមើលទៅ ក៏ឃើញថាក្នុងរាងកាយរបស់បុរសនេះ ក៏មានសុទ្ធតែសត្វល្អិតជាច្រើនផងដែរ ហើយគ្រូពេទ្យសន្និដ្ឋាន វាបណ្តាលមកពីការហាលខោក្នុងនៅបរិយាសដែលមិនមានអនាម័យ ដែលបង្កឱ្យមានសត្វរុយទៅពងដាក់ លុះយកមកស្លៀកទៅ ពងទាំងនោះក៏ជ្រៀតចូលតាមបង្ហូរនោម រួចក៏កើតទៅជាដង្កូវដូច្នេះ។
យ៉ាងណាមិញ រោគសញ្ញានៃការឆ្លងមេរោគពីសត្វរុយ និងការឆ្លងមេរោគផ្លូវបង្ហូរនោមផ្សេងទៀតគឺស្រដៀងគ្នា ដោយមាន ការនោមញឹកញាប់ ឈឺចាប់ពេលនោម រមាស់ប្រដាប់ភេទ ឬឡើងក្រហម ហើយបើសិនជាមានកើតដង្កូវនោះ ប្រាកដជាមានអារម្មណ៍ដឹងមិនខាន។ ម្យ៉ាងទៀត ប្រភេទនៃការឆ្លងមេរោគទាំងនេះ អាចនាំឱ្យមានជំងឺរលាកផ្សេងៗទៀតមានដូចជា urethritis, vaginitis, cystitis ឬ phimosis ប្រសិនបើមិនប្រញាប់ព្យាបាលទេ នោះផលវិបាកនឹងកាន់តែធ្ងន់ធ្ងរ៕
ប្រភព៖ Khaosod
