ថ្មីៗនេះ មហាជនអ្នកលេងបណ្តាញសង្គមហ្វេសប៊ុក បានចាប់អារម្មណ៍យ៉ាងខ្លាំងនូវកម្មវិធីមួយ ដែលសាលាគុនល្បុក្កតោ តេជ័យតេជៈ របស់កញ្ញា ពេជ្រ ចរណៃ សហការណ៍ជាមួយនឹងក្រុមហ៊ុនគ្រឿងសម្អាងដ៏ធំប្រចាំប្រទេសកម្ពុជាមួយបានរៀបចំកម្មវិធី «ឥទ្ធិពលនៃវប្បធម៌ ជាសម្រស់នារីខ្មែរសម័យថ្មី» ដើម្បីចូលរួមលើកស្ទួយគុនល្បុក្កតោខ្មែរ។
កម្មវិធី «ឥទ្ធិពលនៃវប្បធម៌ ជាសម្រស់នារីខ្មែរសម័យថ្មី» ដែលរៀបចំកាលពីពាក់កណ្តាលខែតុលា កន្លងទៅ បានធ្វើឡើង ដើម្បីឱ្យមហាជនមានឱកាសបានស្គាល់ និង ស្លៀកឈុតគុនល្បុក្កតោ ដែលជាផ្នែកនៃចូលរួមផ្សព្វផ្សាយទៅកាន់ពិភពលោក ព្រមទាំងឱ្យកូនខ្មែរបានស្គាល់ពីគុនខ្មែរផងដែរ។
ជាក់ស្តែង ក្រោយពីមានការគាំទ្រខ្លាំងនៅទីក្រុងភ្នំពេញ កម្មវិធី «ឥទ្ធិពលនៃវប្បធម៌ ជាសម្រស់នារីខ្មែរសម័យថ្មី» ក៏នឹងមានគម្រោងបន្តរៀបចំនៅតាមបណ្តាខេត្តក្រុងនានាផងដែរ៕
