បន្ទាប់ពីកម្មវិធី «កម្លាំងគោជល់» បើកបង្ហាញបេក្ខភាពជាបន្តបន្ទាប់ ពេលនេះការប្រកួតប្រជែងបញ្ញាយុទ្ធសាស្ត្រ និង កម្លាំងដ៏ធំបំផុត និង មានតែមួយគត់នៅប្រទេសកម្ពុជាបានចាប់ផ្ដើមហើយ ដោយបេក្ខភាពទំាងអស់បានមកជួបគ្នានៅលើទីលានប្រកួតដ៏ក្តៅគគុក និង ពោរពេញទៅដោយការប្រកួតប្រជែងគ្នាយ៉ាងស្វិតស្វាញ។
ជាការពិត កម្មវិធី «កម្លាំងគោជល់» បានរកឃើញបេក្ខភាពសរុបចំនួន ៤០ នាក់ មានសមត្ថភាព អាជីពខុសៗគ្នា និង មកពីតាមបណ្តាខេត្តនានាក្នុងប្រទេសកម្ពុជា ពួកគេបានមកជួបគ្នាជាលើកដំបូង ជាមួយនឹងការត្រៀមខ្លួនរួចរាល់សម្រាប់ការប្រកួតប្រជែងនៅវគ្គបន្ទាប់។
ការជួបជុំគ្នាលើកដំបូងនេះ ពួកគេបានបង្ហាញពីឆន្ទៈ និង ស្មារតីប្រកួតយ៉ាងមោះមុត អង់អាចក្លាហាន ដោយម្នាក់ៗជឿជាក់ជាមួយនឹងសមត្ថភាពរបស់ខ្លួនយ៉ាងខ្លាំង ហើយនៅពេលខាងមុខនេះ ពួកគេទាំងអស់គ្នានឹងត្រូវឆ្លងកាត់វិញ្ញាសាលំបាកៗ ការប្រឈម ការប្រកួតប្រជែងគ្នា ដែលតម្រូវឱ្យប្រើបញ្ញាយុទ្ធសាស្ត្រ និង កម្លាំង ដើម្បីយកឈ្នះដៃគូ ក៏ដូចទទួលបានឱកាស និង ការជ្រើសរើសពីគណៈកម្មការក្នុងការឆ្ពោះទៅវគ្គបន្ត។
តើបេក្ខជនរូបណាទៅនឹងក្លាយជាម្ចាស់ជើងឯក «កម្លាំងគោជល់» ជាមួយនឹងទឹកប្រាក់ 100.000.000 រៀល? ដូច្នេះកុំភ្លេចរង់តាមដានទស្សនាទាំងអស់គ្នា។
កម្មវិធី «កម្លាំងគោជល់» នឹងមានផ្សាយជូនទស្សនាក្នុងពេលឆាប់ៗនេះ នៅរៀងរាល់ថ្ងៃសៅរ៍ វេលាម៉ោង 6:30 នាទី ដល់ម៉ោង 8:00 នាទីយប់ នៅលើកញ្ចក់ទូរទស្សន៍ CTN និង ទំព័រហ្វេសប៊ុកផ្លូវការ Red Bull Cambodia៕
