យុវវ័យនិយមស្តាប់តន្ត្រី Hip-Hop ច្បាស់ជាបានស្គាល់រួចមកហើយ នូវភាពល្បីល្បាញរបស់ក្រុមច្រៀង La Cima Cartel ដែលមានសមាជិកចំនួន ៧ នាក់ រួមមាន លោក Hasha, លោក Meezy24K, លោក Mut Phearin, លោក YCN Rakhie, លោក YCN Tomie, លោក YCN Dizzy និង លោក All3rgy។
ដោយឡែក ថ្មីៗនេះ មហាជនអ្នកគាំទ្រកំពុងចាប់អារម្មណ៍នឹងសំណេរមួយរបស់សមាជិកក្រុមចម្រៀងពេញនិយមខាងលើ គឺលោក All3rgy ដែលបានបង្ហោះឡើង បង្ហាញពីគោលដៅក្នុងវិថីសិល្បៈរបស់លោក។ ក្នុងនោះ លោក All3rgy បានឱ្យដឹងថា លោកបានស្តាប់ចម្រៀង ៣ បទ របស់ក្រុម ក្មេងខ្មែរ ដែលធ្វើឱ្យលោកយល់ច្បាស់ពីជីវិតជាអ្នកសិល្បៈ។
សំណេរនោះ លោក All3rgy បានរៀបរាប់ថា៖ «២០១៩ ខ្ញុំស្ដាប់ កុំបារម្ភ (Don’t Worry) – ក្មេងខ្មែរ, ២០២២ ខ្ញុំស្ដាប់ វង្វេង (LOST) – ក្មេងខ្មែរ, ២០២៥ ខ្ញុំស្ដាប់ HOW LONG – ក្មេងខ្មែរ។ បីបទនេះ បានធ្វើឱ្យខ្ញុំយល់យ៉ាងច្បាស់ពីជីវិតជាសិល្បកររបស់ខ្ញុំ ចេះគ្រប់គ្រងអារម្មណ៍ មិនឈ្លក់វង្វេងនឹងភាពល្បីល្បាញ រៀនទទួលយកហើយកំណត់គោលដៅ កំណត់ពេលវេលា ដែលចាប់ផ្ដើម និង ពេល ដែលត្រូវបញ្ចប់ waiting for 2035 to end my music career»៕
