បុរសម្នាក់ដោយសារចង់បានសម្រស់ដូច filter ក្នុង Instagram បានសម្រេចចិត្តកែសម្ផស្សច្រើនលើកច្រើនសារ ដោយសរុបជាលុយប្រមាណ ៤៦៣០០ ដុល្លារ។ បុរសម្នាក់នេះមានឈ្មោះថា Dale-Saint Cullen អាយុ ៣១ ឆ្នាំ ជាជនជាតិអង់គ្លេស បានកែសម្ផស្សក្រោមមុខកាំបិតតាំងពីឆ្នាំ ២០១៩ មក។
ដើម្បីកែសម្ផស្ស បុរសរូបនេះត្រូវធ្វើដំណើរពីប៉ូឡូញទៅតួកគី ដែលក្នុងនោះលោកបានសរុបការកែសម្ផស្សមានដូចជា កែរន្ធច្រមុះបើក $54,440, កែរន្ធច្រមុះបិទ $2,786.60, កែធ្មេញ $7,780 , កែថ្ងាស និង ចិញ្ចើម $4,150, ដាំសក់ $5,600 , កែចង្កា $6,500, កែថ្គាម $2,500, ចាក់មាត់ $2,600 និង កែដងខ្លួនយករាង $9,070 ។ សរុបទាំងអស់ $46,335.30។
តាមបទពិសោធកែសម្ផស្សច្រើនឆ្នាំ លោកថាវាពិតជាឆ្កួតណាស់ ដែលលោកបានចំណាយច្រើនទាំងលុយ ពេលវេលា និង កម្លាំង ដើម្បីតាមយករូបរាងដែលឥតខ្ចោះ។ លោកបានផ្តាំទៅអ្នកគ្រប់គ្នាថា បើចង់កែសម្ផស្ស ត្រូវស្រាវជ្រាវ និង ប្រាកដខ្លួនឯងធ្វើវាជាមួយហេតុផលដ៏ត្រឹមត្រូវ។ ដូចជារូបលោកផ្ទាល់ លោកមិនគិតថាចិត្តលោកទទួលយករូបរាងខ្លួនឯងបានហើយឬនៅនោះទេ ហើយលោកនៅតែមានអារម្មណ៍មានចំណុចខ្វះខាត។ លោកមិនដឹងថា នឹងអាចបញ្ឈប់ខ្លួនឯងនៅពេលណាបានឡើយ៕
ប្រភព៖ NYP
