ឃើញទាហានខ្មែរខ្ពស់មាំមួន! ថៃចោទថា ខ្មែរយកទាហានរុស្សីមកជួយច្បាំង តាមពិតជាកងអង្គរក្សខ្ពស់សង្ហារបស់ខ្មែរ មានប្រវត្តិដ៏ឆ្នើម

នាពេលថ្មីៗនេះ កាសែត The Nation របស់ថៃ បានសរសេរព័ត៌មានចោទប្រកាន់មកកាន់កម្ពុជាថា មានទាហានរុស្សីបានចូលរួមដៃជាមួយកម្ពុជា ក្នុងការវាយប្រហារដ្រូន នៅក្នុងជម្លោះព្រំដែនកម្ពុជាថៃ ថ្មីៗនេះ ដែលឈានដល់ការទាមទាឱ្យស៊ើបអង្កេតទៀត។

ជាក់ស្ដែង អ្វីដែលខាងសារព័ត៌មានថៃចោទប្រកាន់គឺខុសពីការពិត ១០០% ដោយសារតែទាហានកម្ពុជាមួយរូបដែលខាងថៃបានដាក់ការសង្ស័យថាជាទាហានរុស្សីនោះ តាមពិតគឺជាកីឡាករបាល់ទះជម្រើសជាតិ មានឈ្មោះ ឈាង ជីវែង គឺជាកូនខ្មែរ ឈាមខ្មែរសុទ្ធ មិនមែនជនជាតិរុស្ស៊ីនោះឡើយ។

លោក ឈាង ជីវែង មិនត្រឹមតែជាកីឡាករបាល់ទះជម្រើសជាតិដ៏ស្វិតស្វាញប៉ុណ្ណោះទេ បុរសសង្ហាដែលមានកាយសម្បទាមាំមួន កម្ពស់ខ្ពស់ស្រឡះរូបនេះ ក៏មានការងារជាអង្គរក្ស នៅឯបញ្ជាការដ្ឋានអង្គរក្សដែលលោកតែងតែការពារជាប្រចាំ និង អមដំណើរជាមួយនាយឧត្តមសេនីយ៍ កិតិ្តសង្គហបណ្ឌិត ហ៊ីង ប៊ុនហៀង អគ្គមេបញ្ជាការរង និង ជាមេបញ្ជាការដ្ឋានអង្គរក្ស ខណៈថ្មីៗនេះ លោកក៏បានអមដំណើរ នាយឧត្តមសេនីយ៍ កិតិ្តសង្គហបណ្ឌិត ហ៊ីង ប៊ុនហៀង ក្នុងបេសកកម្មជម្លោះព្រំដែននេះផងដែរ ទើបនាំឱ្យខាងថៃមានការយល់ច្រឡំ៕