ដំណឹងមរណភាពរបស់តារាស្រីល្បីឈ្មោះរបស់ចិនតៃវ៉ាន់ Barbie Hsu ដែលជាតួអង្គ សាន់ឆាយ ក្នុងរឿង F4 កាលពីថ្មីៗកន្លងទៅ បានធ្វើឱ្យមហាជនអ្នកលេងបណ្ដាញសង្គមទាំងក្នុង និង ក្រៅប្រទេសជាច្រើន ដែលជាអ្នកគាំទ្ររបស់តារាស្រីរូបនេះ មានការរំជួលចិត្តសោកស្ដាយជាពន់ពេកចំពោះការចាកចេញគ្មានថ្ងៃត្រឡប់របស់នាង។
ក្រឡេកមើលមហាជនអ្នកលេងបណ្ដាញសង្គមនៅកម្ពុជាវិញ ឃើញថាទាំងអ្នកសិល្បៈ និង មហាជនអ្នកគាំទ្រជាច្រើនបានផ្ទុះការចែករំលែកបង្ហាញការសោកស្ដាយ និង ចូលរួមរំលែកទុក្ខចំពោះដំំណឹងមរណភាពរបស់ សាន់ឆាយ ដែលជាអាយដលបន្តបន្ទាប់ផងដែរ។
ក្នុងនោះ ក៏បានឃើញតារាសម្ដែងស្រីល្បីឈ្មោះ អ្នកនាង កែវ ពេជ្រពិសី ដែលជាតួស្រីធ្លាប់សម្ដែងជាតួអង្គ សាន់ឆាយ ខ្មែរក្នុង MV បទចម្រៀង F4 ក៏ចូលរួមបង្ហោះសារបង្ហាញការសោកស្ដាយខ្លាំងក្នុងនាមជាអ្នកគាំទ្រម្នាក់របស់តារាស្រី សាន់ឆាយ ផងដែរ។
សារនោះ អ្នកនាង កែវ ពេជ្រពិសី បានរៀបរាប់ថា ៖ «សូមចូលរួមសោកស្ដាយ និង សូមចូលរួមរំលែកទុក្ខផង នឹកឃើញកាលខ្ញុំបានថត VOL បទចម្រៀង F4 ខ្មែរ គឺល្បីខ្លាំងណាស់ សូមបានទៅដល់ទីស្ងប់សុខផងណា សាន់ឆាយ»៕
