មហាជនច្បាស់ជាបានជ្រាបមកហើយពីការប៉ះទង្គិចគ្នារវាងកងទ័ពកម្ពុជា និង កងទ័ពថៃ ដែលបានកើតឡើងនៅព្រឹកថ្ងៃទី ២៨ ខែឧសភា ឆ្នាំ ២០២៥ នៅភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ។
ក្រោយមានការប៉ះទង្គិចខាងលើនេះហើយ គេសង្កេតឃើញមានមហាជនជាច្រើន កំពុងតែស្រុះគ្នាប្រមូលថវិកា ដើម្បីជូននិង ទំនុកបម្រុងស្បៀងដល់កងទ័ពកំពុងបម្រើការនៅទីតាំងឈរជើងជាបន្តបន្ទាប់ផងដែរ។
យ៉ាងណាមិញ ក្រឡេកទៅមើលគណនីហ្វេសប៊ុករបស់លោក យូរ៉ូ ម៉ុង បានបង្ហោះសារមួយគួរឱ្យចាប់អារម្មណ៍មួយថា៖ «ខ្ញុំបាទឈ្មោះ អ៊ូមើត ហៅ Yuro បើសិនជាត្រូវការកងទ័ពបន្ថែមយាមនៅសមរភូមិ ខ្ញុំសូមស្ម័គ្រចិត្តចូលបម្រើ បើសិនជាត្រូវការពិតមែនអាចឆាតមកខ្ញុំផ្ទាល់បាន ខ្ញុំហ៊ាននិយាយចេញពីមាត់ខ្ញុំៗហ៊ានធ្វើ»។ សារនោះដែរ បានធ្វើឱ្យមហាជនជាច្រើន បានសរសើរនូវទឹកចិត្ត និង ឆន្ទៈជាកូនប្រុសរបស់លោក យូរ៉ូ ម៉ុង ផងដែរ៕
