Toyota Prius ឆ្នាំ ២០២០ រឹតតែទំនើប និង សុវត្ថិភាពខ្ពស់
Toyota បានធ្វើការអាប់ដេតលើរថយន្ត Prius ស៊េរីឆ្នាំ ២០២០ ដោយបន្ថែមមុខងារទំនើបៗ និង ប្រព័ន្ធសុវត្ថិភាពកាន់តែច្រើន ។
ក្នុងនោះ Toyoya បានបន្ថែមមុខងារ Apple CarPlay និង Amazon Alexa ព្រមទាំង Toyota Safety Connect មកស្តង់ដារលើអេក្រង់បង្ហាញព័ត៌មាន-កម្សាន្ត ទំហំ ៧ អ៊ីង ប៉ុន្តែមិនមាន Android Auto ឡើយ ។
កញ្ចប់បច្ចេកវិទ្យា Toyota Safety Connect រួមបញ្ចូលមុខងារសុវត្ថិភាពជាច្រើន ដូចជា Emergency Assistance, Stolen Vehicle Locator, Roadside Assistance និង Automatic Collision Notification ជាដើម ។ Prius ឆ្នាំ ២០២០ នឹងបន្តផ្តល់ជម្រើសម៉ូដែល L Eco, LE, XLE និង Limited សម្រាប់ប្រភេទប៉ុងមួយ ខណៈប្រភេទប៉ុងពីរមានតែ LE និង XLE ប៉ុណ្ណោះ ។
Prius ដែលផ្តល់ភាពសន្សំសំចៃបំផុត គឺ ម៉ូដែល L Eco ដែលមានកម្រិតស៊ីសាំងជាមធ្យម ៤,២ លីត្រសម្រាប់ការបើកបរចម្ងាយ ១០០ គីឡូម៉ែត្រ ។ វាប្រើម៉ាស៊ីនសាំងចំណុះ ១,៨ លីត្រ ទំហំ ៤ ស៊ីឡាំង ជាមួយម៉ូទ័រអគ្គិសនី ២ និង អាគុយ Hybrid មួយ ។
យ៉ាងណាមិញ កញ្ចប់បច្ចេកវិទ្យា Toyota Safety Sense នៅតែបំពាក់មកស្តង់ដារដដែល ក្នុងនោះរួមមានមុខងារ Pre-Collision System with Pedestrian Detection, Lane Departure Alert with Steering Assist, Automatic High Beams និង Full-Speed Range Dynamic Radar Cruise Control ៕
ប្រភព ៖ Carscoops
