Honda ADV 150 បានចេញលក់ជាផ្លូវការនៅក្នុងប្រទេសវៀតណាម ។ វាមាន ២ ជម្រើស គឺ ម៉ូដែលប្រើហ្វ្រាំង CBS តម្លៃ ៨៥ លានដុង (៣ ៦០០ ដុល្លារ) និង ម៉ូដែលប្រើហ្វ្រាំង ABS តម្លៃ ៩០ លានដុង (៣ ៩០០ ដុល្លារ) ។
ការរចនារបស់ Honda ADV 150 មានភាពស្រដៀងគ្នាច្រើនទៅនឹង Honda X-ADV 750cc ដោយមានរូបរាងបែបទាន់សម័យ និង ស្ព័រគួបផ្សំគ្នាតែម្តង ។ វាប្រើចង្កៀងមុខប្រភេទ LED ខណៈស្តុបក្រោយរាងអក្សរ X យ៉ាងស្រស់ស្អាត និង កុងទ័រប្រភេទ TFT ដែលបង្ហាញព័ត៌មានសំខាន់ៗទាំងអស់ ។ ក្រៅពីនោះ វាក៏មានបច្ចេកវិទ្យា Idling Stop និង Keyless Smart Lock ផងដែរ ។
Honda ADV 150 មានធុងសាំងធំដែលអាចផ្ទុកបានរហូតដល់ទៅ ៨ លីត្រ ផ្តល់ភាពងាយស្រួលសម្រាប់ការបើកបរផ្លូវឆ្ងាយ ។ វាប្រើម៉ាស៊ីនប្រភេទ SOHC កម្លាំង ១៥០ សេសេ ហើយប្រើប្រព័ន្ធប៊ិចសាំង PGM-Fi ៕
ប្រភព ៖ zing
អត្ថបទដោយ៖ ឡុង
