នីកូ និង សូលីកា ពិតជាស្វីតពេកហើយនៅ UC ខណៈអបអរសិស្សសាលាវត្តចេត ខេត្តកំពត ទទួលបានសម្ភារសិស្សាដូចបំណង !
កាលពីម្សិលមិញនេះ ហ្គេតប៊ី បានសហការជាមួយសាកលវិទ្យាល័យកម្ពុជា បង្កើតកម្មវិធី Together ! ដែលជាការប្រគំតន្ត្រីដ៏ធំមួយ ដើម្បីប្រមូលថវិកាជួយទ្រទ្រង់ដល់សាលាវត្តចេត ខេត្តកំពត ។ សាលាវត្តចេត ខេត្តកំពត មានសាលារៀនតូចមួយដែលមានតែអគារសិក្សាមួយបន្ទប់ ធ្វើពីថ្ម ប្រក់ស័ង្កសី សាលានេះមានអ្នកគ្រប់គ្រងតែម្នាក់គត់ ដែលដើរតួជានាយកសាលាផង ជាគ្រូបង្រៀនផង ក្មេងៗនៅទីនោះចង់បានសម្ភារសិក្សាដើម្បីសម្រួលដល់ការសិក្សារបស់ពួកគេ ។
ដោយឃើញពីតម្រូវការចាំបាច់របស់សិស្សានុសិស្សនៅសាលាបឋមសិក្សាវត្តចេត ហ្គេតប៊ី និង UC បានសហររៀបចំការប្រគំតន្ត្រីដើម្បីប្រមូលថវិការដើម្បីទិញសម្ភារសិក្សា ជូនសិស្សានុសិស្សនៅសាលាវត្តចេត ។ ក្រៅពីការងារសប្បុរសធម៌មួយនេះ ហ្គេតប៊ី ក៏បាននាំមកនូវការប្រគំតន្ត្រីដោយមានការចូលរួមពីលោក នីកូ កញ្ញា ពេជ្រ សូលីការ ការសម្តែងចម្រុះរបស់និស្សិត UC ដើម្បីអបអរសាទរឆ្នាំថ្មីដែលនឹងចូលមកដល់ក្នុងពេលឆាប់ៗខាងមុខនេះ ។
គួរបញ្ជាក់ថាជានិច្ចជាកាល ហ្គេតប៊ី តែងតែបានចូលរួមជាមួយការងារសង្គម និង ការផ្តល់នូវវគ្គបណ្តុះបណ្តាលផ្សេងៗដល់សិស្សនិស្សិតដើម្បីជាការតបស្នងនូវការគាំទ្រពីប្រជាជនកម្ពុជា ដែលតែងតែគាំទ្រផលិតផល ហ្គេតប៊ី កន្លងមក ៕
