កក្រើកខ្លាំង! ពេលកំពុង Live លើ Facebook រឿង «ផ្កាថ្ម» មានអ្នកទស្សនាច្រើនហួសពីការស្មាន
ភាពយន្តភាគខ្មែររឿង «ផ្កាថ្ម» របស់ប៉ុស្តិ៍ ហង្សមាស កំពុងក្លាយជាប្រធានបទដ៏ពេញនិយមរបស់អ្នកគាំទ្ររឿងខ្មែរដែលរឿងភាគមួយនេះកំពុងតែទទួលបានការគាំទ្រភ្លូកទឹកភ្លូកដីពីទស្សនិកជនទូទាំងប្រទេសក៏ដូចជាក្រៅប្រទេសផងដែរ ។
មកដល់ត្រឹមភាគទី ៩ នេះរឿង «ផ្កាថ្ម» បានធ្វើឲ្យអ្នកទស្សនាស្ញើចសរសើរមិនដាច់ពីមាត់នូវសាច់រឿងដ៏គួរឲ្យជក់ចិត្តរួមជាមួយនឹងការសម្តែងដ៏ស័ក្កិសមរបស់តួអង្គនីមួយៗ ដែលធ្វើឲ្យរឿងនេះផ្ទាល់កំពុងតែទទួលបានជោគជ័យយ៉ាងខ្លាំង ។ ជាក់ស្តែងរឿងភាគមួយនេះទទួលបាន View ពេលដែលកំពុង Live លើហ្វេសប៊ុកយ៉ាងច្រើនរហូតដល់ទៅ 7.4K ឯណោះ ដែលជាចំនួន View នេះមិនធ្លាប់មានទេសម្រាប់រឿងភាគខ្មែរក្នុងស្រុក ។
គួរបញ្ជាក់ផងដែររឿង «ផ្កាថ្ម» បានចាក់បញ្ចាំងជូនទស្សនារៀងរាល់ថ្ងៃចន្ទ អង្គារ ពុធ វេលាម៉ោង ៨ យប់ នៅលើកញ្ចក់ទូរទស្សន៍ហង្សមាស HDTV ហើយស្ថានីយទូរទស្សន៍ធំជាងគេក្នុងស្រុកមួយនេះក៏កំពុងតែសម្រុកផលិត រឿងភាគខ្មែរបន្តបន្ទាប់ជាច្រើនផងដែរ ៕
