កំពុងកក្រើកខ្លាំង! បងប្អូនភ្លោះ ២ នាក់អាយុទើប ១៩ ឆ្នាំ នាំគ្នាបែកគំនិតចាប់សិស្សអនុវិទ្យាល័យសឹងមួយខេត្ត បំពានបានសម្រេច
កាលពីថ្ងៃទី ២៨ ខែឧសភា ឆ្នាំ ២០២៣ កន្លងទៅ សមត្ថកិច្ចខេត្ត Ratchaburi ប្រទេសថៃ បានឃាត់ខ្លួនជនល្មើស ២ នាក់ ដែលជាបងប្អូនភ្លោះនឹងគ្នា ក្រោយប្រព្រឹត្តបទល្មើសចាប់រំលោភសិស្សសាលាអនុវិទ្យាល័យមានអាយុក្រោម ១៥ ឆ្នាំជាច្រើននាក់។
តាមសមត្ថកិច្ចបានឱ្យដឹងថា ជនល្មើសមានឈ្មោះ ប៉ាត់ និង ប៉ាយ ជាបងប្អូនភ្លោះមានអាយុ ១៩ ឆ្នាំ រស់នៅខេត្តសុផាន់បុរី តែងបានចេញសកម្មភាពបោកបញ្ឆោតក្មេងតាមរយៈហ្វេសប៊ុកដោយមានការណាត់ជួប ហើយធ្វើសកម្មភាពចាប់រំលោភ។
បើតាមការបញ្ជាក់ពីជនល្មើសបានប្រាប់ទៅកាន់សមត្ថកិច្ចថា ពួកគេចូលចិត្តក្មេងសិស្សសាលា ព្រោះគួរឱ្យស្រឡាញ់ និង ស្រស់ស្អាត។ ក្នុងនោះមិនមែនមានតែក្មេងៗ ៤ ទៅ ៥ នាក់ប៉ុណ្ណោះទេ ដែលរងគ្រោះ គឺមានក្មេងស្រីច្រើនណាស់ស្ទើរតែទូទាំងខេត្តត្រូវបានជនល្មើសទាំងពីរចាប់បំពាន រហូតដល់មានក្មេងស្រីខ្លះកើតជំងឺបាក់ទឹកចិត្តថែមទៀតផង។
យ៉ាងណាមិញ ព្រោះមានពាក្យបណ្ដឹងពីជនរងគ្រោះប្រមាណជា ៤ ទៅ ៥ នាក់ បានធ្វើឱ្យក្រុមសមត្ថកិច្ចចុះស៊ើបអង្កេតរហូតក្តាប់បានមុខសញ្ញា និង ឃាត់ខ្លួនបានទាន់ពេលវេលា ពុំដូច្នោះទេមិនដឹងថាមានក្មេងស្រីមិនទាន់គ្រប់អាយុប៉ុន្មាននាក់ទេដែលរងគ្រោះនោះ។ ខណៈនេះជនល្មើសទាំងពីរកំពុងឃាត់ខ្លួនបណ្ដោះអាសន្ន និង កសាងសំណុំរឿងទៅតាមនីតិវិធីច្បាប់៕