ឥណ្ឌូនេស៊ី ចេញច្បាប់ថ្មី «ហាមជិះឡានក្រុងមុនទិញសំបុត្រ» បើល្មើសនឹងប្រឈមជាប់ពន្ធនាគារដល់មួយឆ្នាំ
ប្រទេសឥណ្ឌូនេស៊ី បានសម្រេចអនុម័តច្បាប់ហាមប្រាមមិនឱ្យមានការរួមភេទមុនរៀបការ (ហាមជិះឡានក្រុងមុនទិញសំបុត្រ) ដែលច្បាប់មួយនេះនឹងអនុវត្តលើទាំងពលរដ្ឋក្នុងប្រទេស រួមទាំងអ្នកទេសចរផងដែរ ដោយអ្នកដែលល្មើសនឹងត្រូវប្រឈមការជាប់ពន្ធនាគាររហូតដល់មួយឆ្នាំ។
បន្ថែមពីនេះទៅទៀត ក្រោមច្បាប់ថ្មីនេះ ក៏នឹងមានការហាមប្រាមលើការរិះគន់ប្រមាថប្រធានាធិបតី និង ស្ថាប័នរដ្ឋនានាផងដែរ ដោយទោសនៃការប្រមាថរដ្ឋាភិបាលនេះ នឹងអាចជាប់ពន្ធនាគាររហូតដល់ ៣ ឆ្នាំ។
គួរបញ្ជាក់ផងដែរថា ឥណ្ឌូនេស៊ី គឺជាប្រទេសជាតិមួយកាន់សាសនាឥស្លាមធំជាងគេបំផុតលើពិភពលោក។ ប្រទេសនេះដែរ ក្នុងរយៈពេលប៉ុន្មានឆ្នាំក្រោយនេះ ឃើញមានការកើនឡើងការអភិរក្សសាសនាគួរឱ្យកត់សម្គាល់។ គួរឱ្យដឹងដែរថា ច្បាប់ឥស្លាមដ៏តឹងរឹង គឺត្រូវបានអនុវត្តឡើងរួចមកហើយនៅតាមតំបន់មួយចំនួនក្នុងប្រទេសមួយនេះ រួមមានទាំងខេត្ត Aceh ជាដើម ដែលនៅទីនោះ ល្បែងស៊ីសង និង ការប្រើប្រាស់គ្រឿងស្រវឹង គឺត្រូវបានហាមប្រាមដាច់ខាត៕