ពិសេសណាស់! ផ្លូវល្បឿនលឿន បញ្ចុះតម្លៃ ២០ % ពេញ ១ ឆ្នាំ ចាប់ពីថ្ងៃនេះដល់ដាច់ខែតុលា ឆ្នាំ ២០២៣
ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ បានជម្រាបជូនដំណឹងដល់សាធារណៈជនទាំងអស់ឱ្យបានជ្រាបថា ផ្លូវល្បឿនលឿនភ្នំពេញ-ក្រុងព្រះសីហនុ បើកដំណើរការដោយគិតថ្លៃសេវាធ្វើដំណើរ ចាប់ថ្ងៃទី ០១ ខែវិច្ឆិកា ឆ្នាំ ២០២២ វេលាម៉ោង ៧:០០នាទីព្រឹក នេះតទៅហើយ។
ទន្ទឹមនោះ ក្រុមហ៊ុនផ្លូវល្បឿនលឿនភ្នំពេញ-ក្រុងព្រះសីហនុ ក៏បានបញ្ជាក់ឱ្យដឹងថា សេវាធ្វើដំណើរលើផ្លូវល្បឿនលឿន នឹងត្រូវគណនាតាមរយៈចម្ងាយជាក់ស្តែងនៃការបើកបរ និង តាមប្រភេទយានយន្ត ដែលក្រុមហ៊ុននឹងបញ្ចុះតម្លៃសេវាធ្វើដំណើរ ២០% ចាប់ពីថ្ងៃទី ០១ ខែវិច្ឆិកា ឆ្នាំ ២០២២ រហូតដល់ ថ្ងៃទី ៣១ ខែតុលា ឆ្នាំ ២០២៣ ពោលគឺមានរយៈពេល ០១ ឆ្នាំពេញ។
ដោយឡែក បើតាមក្រសួងសាធារណការ និង ដឹកជញ្ជូន នៅព្រឹកថ្ងៃទី ០១ ខែវិច្ឆិកា ឆ្នាំ ២០២២ នេះ បានបញ្ជាក់ពីថ្លៃសេវាបែបនេះថា ការបង់ប្រាក់នឹងត្រូវធ្វើឡើងតាមចម្ងាយជាក់ស្តែង។ ឧទាហរណ៍ ចម្ងាយ 187.05km «ភ្នំពេញ-ក្រុងព្រះសីហនុ» បង់ 12$ (បានចុះតម្លៃមកត្រឹម 80% រួច) សម្រាប់យានយន្តដែលត្រូវបង់កម្រៃ Type “A” ខាងក្រោម៖
១. រថយន្តប្រភេទគ្រួសារ ៧ កៅអី ចុះក្រោម
២. រថយន្តផ្ទុកទំនិញ ក្រោម ២ តោន
៣. ទោចក្រយានយន្តកម្លាំងចាប់ពី ៥០០cc ឬ ២៧kW ឡេីង មានបិទ លតាបត្រ (ស្ទីគ័រ) សម្គាល់អនុញ្ញាតដោយក្រសួង។
តារាងកម្រៃលម្អិតត្រូវគិតតាមចម្ងាយ និង ប្រភេទយានយន្ត ជាក់ស្តែង ដូចមានក្នុងតារាងជូនភ្ជាប់។ តារាងកម្រៃ ក៏មានបិទនៅតាមផ្ទាំងព័ត៌មាន ច្រកចេញចូលផ្លូវល្បឿនលឿនផងដែរ។
ទន្ទឹមនោះ រាល់យានយន្តចូលប្រើប្រាស់ផ្លូវល្បឿនលឿន ត្រូវមាន៖
– ផ្លាកលេខសម្គាល់យានយន្ត
– ត្រួតពិនិត្យលក្ខណៈបច្ចេកទេស (ឆៀក) មានសុពលភាព
– កាតព្វកិច្ចផ្សេងៗតាមច្បាប់ដែលបានកំណត់៕
ខាងក្រោមនេះ ជាតារាងតម្លៃ ៖
